55-ШЕ УРОК
Мом те погынымашдалан ыштен кертыда?
Уло тӱня мучко илыше Иегован Таныкше-влак тӱжемле погынымаште куанен служитлат. Вашлиймаште налме туныктымаш ден кӱштымаш-влакым нуно чот аклат. Нуно погынымашыштлан иктаж-мом ышташ эре ямде улыт. Очыни, тенданат тыгай кумылда уло.
1. Жап ден вийым кучылтын, погынымашлан мом ыштен кертыда?
Мемнан гыч кажныже шке погынымашлан мом-гынат ыштен кертеш. Погынымаштыда илалше але черле-влак улыт гын, шоналтыза, те нунылан вашлиймашыш мияш полшен кертыда мо? Але мӧҥгыштышт сомылым ышташ да кевыт гыч сатум налын кондаш полшен кертыда ыле. (Иаковын 1:27 лудын лекса.) Тыгак Вашлиймаш залым эрыктен да ачален кертына. Тидым ышташ мемнам иктат огеш ӧкымлӧ. Ме Юмым да иза-акана-влакым йӧратена, сандене нунылан иктаж-мом ышташ ямде улына (Псалом 109:3).
Тынеш пурышо Танык-влак погынымашлан шукырак полшен кертыт. Библийын йодмыжлан келшен толшо иза-влак служебный полышкалыше семын, а вара, жап эртымеке, кугурак иза семын служитлен кертыт. Таныклымаш пашаште шукырак полшашлан иза-влакат, ака-влакат пионер лийын кертыт. Южо Танык-влакын йӧнышт уло Вашлиймаш залым чоҥымаште полшаш але тушко куснаш, кушто погынымаште полыш кӱлеш.
2. Материальный шотышто погынымашлан кузе полшаш лиеш?
Мемнан мо сай уло, тидын дене Иеговам чапландарен кертына (Притчи 3:9). Погынымашналан да тӱнямбалысе таныклымаш пашалан ме оксам але иктаж-мом весым уло кумылын пуэна. (2 Коринфян-влаклан 9:7 лудын лекса.) Тыгак окса надырна пӱртӱс вий ден лийше эҥгекыш логалше иза-ака-влаклан полшашлан кая. Шукышт надырлан оксаштым ончылгоч ойырен кодат. (1 Коринфян-влаклан 16:2 лудын лекса.) Ме окса надырым Вашлиймаш залыште лӱмын ойырымо яшлыкыш пыштен але donate.jw.org сайт гоч колтен кертына. Надырым пуэн, ме Иеговам йӧратымынам ончыктен кертына.
КЕЛГЫНРАК ШЫМЛЕН НАЛЗА
Пален налза, кузе те погынымашланда полшен кертыда.
3. Ме материальный шотышто полшен кертына
Иегова ден Иисус тыгай еҥым йӧратат, кӧ весе-влаклан уло кумылын полша. Мутлан, Иисус ик тулык вате нерген ойлен, кудын оксаже шагал лийын. Туге гынат тиде ӱдырамаш Иеговалан надырым садак пуэн. Лукан 21:1—4 лудын лекса да вашмутым пуыза:
-
Иеговам куандарашлан мыланна шуко оксам пуаш кӱлеш мо?
-
Кунам ме уло кумылын окса надырым пуэна, Иегова ден Иисус мом шижыт?
Окса надырна кушко кая пален налашлан ВИДЕОРОЛИКЫМ ончалза. Вара вашмутым пуыза:
-
Окса надырна уло тӱня мучко илыше иза-ака-влаклан кузе полша?
4. Ме полшаш ямде улына
Акрет годсо жапыште Иегован служитлышыже-влак кумалмаш верым сайын ончаш тыршеныт. Но тидлан окса надырым гына ышташ ситен огыл. 2 Летопись 34:9—11 лудын лекса да вашмутым пуыза:
-
Кузе кажне израильтян Иегован храмжым ончаш полшен кертын?
Таче Иегован Таныкше-влак тидын семынак ыштат. ВИДЕОРОЛИКЫМ ончалза да вашмутым пуыза:
-
Молан Вашлиймаш зална ару да сай лийшаш?
-
Те мо дене полшен кертыда?
5. Мом иза-влак ыштен кертыт
Библий иза-влакым погынымашлан шукырак полшаш тарата. Теве ик пример. ВИДЕОРОЛИКЫМ ончалза да вашмутым пуыза:
-
Погынымашлан шукырак полшашлан тиде иза мом ыштен?
Иза-влак служебный полышкалыше але кугурак иза семын служитлынешт гын, Библийыште возымо, мом нунылан ыштыман да могай лийман. 1 Тимофейлан 3:1—13 лудын лекса да вашмутым пуыза:
-
Служебный полышкалыше але кугурак иза семын служитлашлан иза-влак могай лийшаш улыт?
-
Нунын ватышт да йочашт могай лийшаш улыт? ( 4 да 11 почеламут-влакым ончыза.)
-
Иза-влак Библийын йодмыжлан келшен толаш тыршат гын, погынымашлан тиде могай пайдам конда?
ИКТАЖ-КӦ ЙОДЫН КЕРТЕШ: «Иегован Таныкше-влак шке пашаштым шукташлан кушеч оксам налыт?»
-
Вашешыже мом каласеда ыле?
ТӰҤ ШОНЫМАШ
Погынымашлан жап ден вийым пуымынам да материальный шотышто полшымынам Иегова чот акла.
Ушештарымаш
-
Кузе ме погынымашлан жап ден вийым пуэн кертына?
-
Кузе ме погынымашлан материальный шотышто полшен кертына?
-
Погынымашлан мом ыштымыда шуэш?
ЕШАРТЫШЛАН
Пален налза, молан Юмо таче служитлышыже-влакым луымшо ужашым тӱлаш огеш йод.
«Библийыште луымшо ужашым тӱлымаш нерген мом возымо?» (веб-статья)
Библий дене келшышын, южо пашам тынеш пурышо пӧръеҥ-влак шуктышаш улыт. Но тынеш пурышо ӱдырамашлан тиде пашам шукташ логалеш гын, кузе лийман?
«Погынымашыште вуйлатымаш принципым умылымаш» («Орол башне» февраль, 2021 ий)
Икмыняр лӱддымӧ пӧръеҥ дене палыме лийза, кудышт иза-ака-влаклан публикацийым намияшлан моткоч кугу нелылыкым эртат.
«Конго элыште Библиеш негызлалтше литературым иза-ака-влак деке намийымаш» (4:25)
Моло религиозный организаций-влак дене таҥастарымаште организацийыштына финансирований йӧршынак вес семын шукталтеш. Тидын нерген шке пален налза.
«Иегован Таныкше-влак пашаштым шукташлан кушеч оксам налыт?» (веб-статья)
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
