25-ШЕ УРОК
Молан Юмо еҥ-влакым ыштен?
Библий айдемын илышыж нерген теве мом палдара: тудо «кӱчык да орланымаш дене темше» (Иов 14:1). Юмо мыланна тыгай илышым шонен пыштен мо? Тыгайым огыл гын, тугеже шонен пыштымашыже могай лийын? Шонен пыштымыже шукталтеш мо? Библий нине йодыш-влаклан вашмутым пуа.
1. Иегова мыланна могай илышым шонен пыштен?
Иегова мыланна эн сай илышым шонен пыштен. Кунам Юмо икымше еҥ-влакым, Адам ден Евам, ыштен, тудо нуным райыш илаш пуртен (тиде сылне сад Эдем маналтын). Вара Юмо нуным суапландарен да нунылан каласен: «Тӱлаҥза да шукемза, мландым темыза да озаланыза» (Тӱҥалтыш 1:28). Иегован кумылжо дене келшышын, нунын йоча-влак шочшаш ыльыч, уло мланде райыш савырнышаш ыле да еҥ-влак янлык-влакым ончышаш ыльыч. Тыгак чыла еҥ таза лийшаш да курымеш илышаш ыле.
Таче мландыште илыш тыгай огыл гынат, Юмо шонен пыштымыжым вашталтен огыл (Исайя 46:10, 11) a. Тудым колыштшо еҥ-влак курымеш эн сай условийыште илышт манын, тудын але марте кумылжо уло. (Почмаш 21:3, 4 лудын лекса.)
2. Илышыштына смысл лийже манын, мом ыштыман?
Иегова еҥ-влакым тудым палаш да тудлан кумалаш кумыл дене ыштен. (Матфейын 4:4; 5:4—6 лудын лекса.) Юмо мемнан деч тудын дене лишыл йолташ лиймынам, тудым колыштмынам, йӧратымынам да тудлан уло шӱм дене служитлымынам вуча (Второзаконие 10:12; Притчи 3:32). Тыге веле, нимогай йӧсылыкым ончыде, ме чынжымак пиалан лийын кертына. Кунам ме Иеговалан кумалына, илышыштына чын смысл лектеш, вет тунам ме Юмын кумылжо дене келшышын илаш тӱҥалына.
КЕЛГЫНРАК ШЫМЛЕН НАЛЗА
Пален налза, кузе Иегова мландым ыштымыж дене мемнам йӧратымыжым ончыкта да мом тудын Мутыштыжо илышын смыслже нерген возымо.
3. Иегова еҥ-влаклан сылне илышым шонен пыштен
ВИДЕОРОЛИКЫМ ончалза да вашмутым пуыза:
-
Молан Юмо сылне планетнам ыштен?
Экклезиаст 3:11 лудын лекса да вашмутым пуыза:
-
Тиде почеламут гыч те Иегова нерген мом пален налында?
4. Иегован шонен пыштымашыже вашталтын огыл
Псалом 36:11, 29 да Исайя 55:11 лудын лекса да вашмутым пуыза:
-
Еҥ-влак шотышто Иегова шонен пыштымашыжым вашталтен огыл манын, ме кушеч палена?
Локтылалтме пӧртым ачалаш лиеш. Тидын семынак мланде, кудыжлан еҥ-влак шуко зияным ыштеныт, тӧрлатыме лиеш. Тидым Юмо да тудым йӧратыше-влак ыштат
5. Иеговалан кумалмашлан кӧра илышыштына чын смысл лектеш
Илышын смыслжым пален налын, ме чынжымак пиалан лийына. ВИДЕОРОЛИКЫМ ончалза да вашмутым пуыза:
-
Илыш смыслым пален налмаш Теруми акалан мом пуэн?
1 Иоаннын 5:3 лудын лекса да вашмутым пуыза:
-
Иеговам мыланна чыла ыштымыжлан кузе таушташ лиеш?
ИКТАЖ-КӦ ЙОДЫН КЕРТЕШ: «Молан ме илена?»
-
Кузе вашештеда ыле?
ТӰҤ ШОНЫМАШ
Иегован шонымыжо почеш ме тыште, мландыште, эн сай условийыште курымеш куанен илышаш улына. Тудлан уло шӱм дене служитлена гын, илышыштына кызытак чын смысл лиеш.
Ушештарымаш
-
Иегова Адам ден Евалан могай илышым шонен пыштен ыле?
-
Юмо еҥ-влак шотышто шонен пыштымыжым вашталтен огыл манын, ме кушеч палена?
-
Илышыштыда чын смысл лийже манын, мом ыштен кертыда?
ЕШАРТЫШЛАН
Эдем сад чынжымак лийын манын, доказательстве-влакым ончен лекса.
«Эдем сад. Шонен лукмаш веле?» («Орол башне» 1 январь, 2011 ий)
Мланде эре лиеш. Пален налза, молан тидлан ӱшанаш лиеш.
Лудын лекса, кузе Библий илыш смысл нерген йодышлан вашмутым пуа.
Ик айдемын чылажат лийын, но ала-можо тудлан ситен огыл. Тудын историйжым пален налза.
a Молан таче Юмын шонен пыштыме илыш уке? Тидын нерген вес урокышто пален налыда.
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
