«Шукышт почеш ит кай» Иегован кӱштымашыже судебный процессым эртарашлан пуымо лийын. Судья-влак чын огыл пунчалым лукшаш огытыл ыльыч, а танык-влаклан чыным гына ойлаш кӱлын. Но тиде кӱштымашын принципшым моло годымат кучылташ лиеш. Тиде тӱня христиан-влакым Юмым пагалыдыме еҥ-влак гай ышташ да шонаш тарата (Рм 12:2).
Шукышт почеш каяш молан уш-акылан огыл:
-
кунам ме терген налдыме информацийым колына?
-
кунам шонена, мом чияш, могай причёскым ышташ да кузе веселан жапым эртараш?
-
кунам вес наций, культур да социальный положений гыч еҥ-влак дене кузе шкем кучаш шонена?
