МОЛАН ТИДЕ КӰЛЕШАН Еҥ-влак таче шкеныштым лӱдыкшӧ деч аралаш да илышыштым куштылемдашлан пӧртыштышт камерым але домофоным шындат. Кунам ме айдеме дене мутланена да тудым она уж, а тудо, очыни, мемнам ужеш, тиде лӱдмашнам шочыктен кертеш. Ӱлнӧ возымо каҥаш-влак мыланна домофон гоч але камер ончылно лӱдде таныклаш полшат.

КУЗЕ ТИДЫМ ЫШТАШ

• Сай нерген шонаш тырше. Домофоным але камерым шындыше еҥ-влак гыч шукыжо мемнан дене мутланаш чынжымак тореш огыл.

• Шарне: южо камер йыҥгырым ыштымет деч ончычак возаш тӱҥалеш, да омса дек миен шогалмекет айдеме тыйым уже ужын да колын кертеш.

• Домофон гоч але камер ончылно айдеме дене шинчаваш мутланымет семын мутлане. Шыргыжал да шкендым простан кучо. Айдемылан мом каласаш шоненат, тудымак каласе. Камер деке пешак лишке ит шогал. Нигӧат ок вашеште гын, нимогай аудио- але видеосообщенийым ит кодо.

• Шарне, мутланымым кошартымет деч вара тыйым эше икмыняр жап ужын да колын кертыт.