Южо самырык христиан-влак тӱрлӧ мыскылымаш дене тӱкнат. Тиде нунылан эмоциональный шотышто корштымашым да физический индырымашым конден кертеш. Тыгак христиан, лӱдын, еҥ-влакын темдымышт почеш ышта гын, Иегова дене кыл кучымыжо лушкыдемын кертеш. Кузе мыскылыме деч шкем аралаш?

Иегован служитлышыже-влак гыч шукышт, тудлан ӱшанен, мыскылымашым сеҥен кертыныт (Пс 17:18). Мутлан, Эсфирь Аманын осал шонымыжым лӱддымын тӱжвак луктын каласен (Эсф 7:1—6). Тидын деч ончыч тудо пӱтым кучен да тыге Иегова деч полышым кычалмыжым ончыктен (Эсф 4:14—16). Иегова Эсфирьын ыштымыжым суапландарен да тудым да калыкшым арален.

Тыят мыскылымаш дене тӱкнет гын, Иегова деч полышым йод да чылажымат иктаж-могай кугурак еҥлан каласе, мутлан, ача-аватлан. Иегова Эсфирьлан полшен, сандене пеҥгыдын ӱшане: тудо тыланетат полша. Мыскылымашым сеҥашлан мом эше ышташ лиеш?

«ЖИЗНЬ ПОДРОСТКА. ИЗДЕВАТЕЛЬСТВА В ШКОЛЕ: ЧТО ДЕЛАТЬ?» ВИДЕОРОЛИКЫМ ОНЧАЛ ДА ВАШМУТЫМ ПУ:

• Чарли ден Ферин деч самырык христиан-влак мо́лан тунемын кертыт?

  Вашмутет

• Чарли ден Феринын ойлымышт почеш, кунам йоча школышто мыскылымаш дене тӱкна, ача-аваже мом ыштен кертыт?

  Вашмутет