Египетысе фараон-влак шкеныштым юмылан шотленыт. Тиде мыланна умылаш полша, молан фараон тыгай ӱскыртланыше лийын да Моисей ден Аароным гына огыл, но шке картше-влакымат колыштын огыл.
Тый весе-влакын каҥашыштым шотыш налат мо? Каҥашлан тый нуным тауштет мо? Але тый шке шонымашетым гына чынлан шотлет? Шарне, кугешнымаш колымашке шукта (Пр 16:18). Сандене, кугешнымашлан тыйым авалташ ит пу!
