Тыланда иктаж-кунам шарналташ йӧсӧ лийын мо, кушто Библийыште палыме почеламутым возымо але кузе тудо чын шокта? Можыч, тыланда лыпландарымаш кӱлын але те уда шонымашым сеҥаш тыршенда. А можыч, те библийысе почеламутым кычал муынеда да тудым иктаж-кӧлан ончыктынеда (Пс. 118:11, 111). Кузе почеламут-влакым шарнен кодаш теве икмыняр каҥаш.

• JW Library^® приложенийыште тег-влакым кучылтса. «Йӧратыме почеламут-влак» манме тегым a ыштыза да почеламут-влакым, кудыштым те шарнен коднеда, тиде тег дене палемдыза.

• Почеламутым коймо верыш верландарыза. Почеламутым кагазыш возаш да тудым воштончышыш але холодильникыш пижыкташ лиеш. Тыгак почеламутым фотографироватлаш да компьютерыш але мобильный устройствыш заставке семын шындаш лиеш.

• Картычке-влакым кучылтса. Картычкын ик могырыштыжо библийысе почеламутым возыза, а вес могырышто — книган лӱмжым, ужашын да почеламутын номерыштым. Варажым картычке гыч почеламутым лудын лекса да шарналташ тыршыза, кушто тудо Библийыште возымо. Мӧҥгешлат ыштен кертыда: почеламутын кушто верланымыжым лудын лекса да почеламутын текстшым шарналтыза.