Kajjitõk ko Baibõl̦ Ej Uwaakii
Etke epen an wõr aenõm̦m̦an ilo lal̦ in?
Baibõl̦ ej kwal̦o̦k kõn ruo un ko unin an pen an wõr aenõm̦m̦an ilo lal̦ in. Un eo kein kajuon ej bwe Anij ear jab kõm̦anm̦an armej bwe ren maroñ make peek buñtõn neer ak tõl er make. Eñin unin meñe elõñ men ko rem̦m̦an armej ro rar kõm̦m̦ani ak ejjañin wõr aenõm̦m̦an ilo lal̦ in. Un eo kein karuo ej bwe “aolepen lal̦ in ej pãd ium̦win pein ri nana eo,” ak Setan Tepil̦ eo. Kõn men in, jekdo̦o̦n ta ko armej rar kate er ñan kõm̦m̦ani bwe en wõr aenõm̦m̦an ak rejjañin lo tõprak.—Riit Jeremaia 10:23, UBS; 1 Jon 5:19, UBS.
An armej jibadek bwe ren utiej im kajoor im kõn aer kũbbon̦, ej bar kõm̦m̦an bwe en pen an wõr aenõm̦m̦an. Kien eo wõt me emaroñ katakin armej ro bwe en jim̦we kõm̦m̦an ko aer im ren kwal̦o̦k aer yokwe ro jet, enaaj maroñ bõktok aenõm̦m̦an ñan aolep armej.—Riit Aiseia 32:17, UBS; 48:18, 22.
Wõn eo enaaj kõm̦m̦an bwe en wõr aenõm̦m̦an ilo lal̦ in?
Anij eo Ekajoor Bõtata ear kallim̦ur bwe enaaj kajutak juon kien me enaaj tõl aolep armej ro ilo lal̦ in. Kien in enaaj bõk jikin aolep kien ko an armej. (Daniel 2:44) Wõn eo enaaj tõl ilo kien in? Ej Jijej, eo im ej Nejin Anij. Ñe enaaj tõl enaaj bõktok aenõm̦m̦an kõnke ej “Irooj in Aenõm̦m̦an.” Enaaj jol̦o̦k aolep men ko renana rej wal̦o̦k ilo lal̦ in im enaaj katakin armej ro ñan aenõm̦m̦an ippãn doon.—Riit Aiseia 9:6, 7, UBS; 11:4, 9, UBS.
Rainin, Jijej ej tõl elõñ milien armej ro ipel̦aakin lal̦ in ñan kõjerbal Naan in Anij ak Baibõl̦ im katakin armej ro bwe ren aenõm̦m̦an ippãn doon. Im m̦õttan wõt jidik armej ro ilo ijoko otemjej renaaj aenõm̦m̦an ippãn doon.—Riit Aiseia 2:3, 4; 54:13.
