Juõn Katak Ejjab Mol Ej Tellok ñõn Bar Juõn

ENAÑIN 1,950 yiõ ko remotlok, dri jilik Paul ear jeje ñõn dri Kristian ro ilo ien eo im ba, “Komin kejbãrok kom.” Ta eo ear kakkil ir kake? “Bwe ejelok juõn en rakimi kom kin katak in meletlet eo an ak kin an mon bata, ekar ñõn bwebwenato mokta an armij rõn.”​—Dri Kolosse 2:8.

Meñe Paul ear lelok nan in kakkil in, jet dri Kristian ro me rar mour enañin 1,850 yiõ ko remotlok rar jino kajerbal lemnok ko an dri meletlet ro etto ñõn kemelele kin tõmak eo air. Etke? Kinke rar kõnan bwe dri meletlet ro ilo ailiñ in Rome ren bõk katak ko air im ilo wãwen in kareel dri meletlet rein ñõn koba ibeir ilo kabuñ eo air.

Justin Martyr, juõn eo elap an buñbuñ ian dri Kristian rein, ear tõmak bwe dri Konono eo an Anij ear walok ñõn dri meletlet ro an ailiñ in Grik elõñ yiõ ko mokta jen an kar itok ñõn lõl einwõt Jisõs. Ekkar ñõn Justin im dri kaki ro me rar katakin kin ejja katak kein wõt, rar ba bwe ilo air kobaik lemnok ko an dri meletlet ro im katak ko rejjab mol ñõn katak ko an Kristian, men in ej kõmõn bwe wãwen kabuñ in en lukkun aurõk iben aolep armij.

Wãwen kabuñ in Kristian eo me Justin Martyr ear kajutõke ear lo tõbrõk ñõn kareel elõñ armij ñõn air koba iben. Bõtab, air bõk juõn katak ejjab mol ear tellok ñõn air bar kõmõn katak ko jet rejjab mol, im kiõ aolep katak kein emwij air oktõk im mõtõn katak ko an kabuñ in Kristian. Ñõn kajedmatmat katak kein rejjab mol, jen keiri ta eo buk in kemelele ko rej ba iben ta eo Baibel eo ej lukkun katakin.

[Kamelele in juõn pija ilo peij 3]

Devil eo: Dri nana ro​—Giampolo/The Doré Illustrations For Dante’s Divine Comedy/Dover Publications Inc.; enjel ro: Art Resource, NY; jekjekin trinity: Museo Bardini, Florence