Men ko el̦aptata an kauwe ekkejell̦o̦k ñani ej naanin tõl ko kab jel̦ãl̦o̦kjen̦, bõtab ej bar kitibuj kajim̦we im kaje. Jeova ej kauweik kõj bwe jen maroñ kabuñ ñane ilo wãween eo me ej buñbũruon kake. (Rom 12:1; Hi 12:10, 11) Ewõr iien kauwe emaroñ lukkuun kõmmetak, bõtab ej tõll̦o̦k ñan wãnõk im jeraam̦m̦an. (JK 10:7) Ta eo me ro rej lel̦o̦k kauwe kab ro me rej bõk naanin kauwe ko rej aikuj keememej?

Eo ej lel̦o̦k. Em̦m̦aan ro rej lale eklejia, ro jemãn im jinen, im ro jet rej kate er ñan lel̦o̦k kauwe ilo jouj im yokwe ãinwõt Jeova. (Jrm 46:28) Meñe wãween kauwe ko me rel̦l̦ap, ak ej aikuj ekkar ñan wãween eo ej wal̦o̦k im ej aikuj pedped ioon yokwe.​—Tai 1:13.

Eo ej bõk. Jabdewõt wãween kauwe eo jej bõk, jejjab aikuj kõjekdo̦o̦ne ak jej aikuj kajjioñ jerbale ilo m̦õkaj. (JK 3:11, 12) Kõnke jejjab weeppãn, kõj aolep jej aikuj bõk kauwe, eo im ej itok ilo elõñ wãween ko. Jemaroñ bõk kauwe ikijjeen men ko jej riiti ilo Baibõl̦ ak ikijjeen men ko jej roñjaki ilo kweilo̦k ko. Ak jet iien jet remaroñ bõk kauwe jãn kumi in ekajet eo. An juon pokake naanin kauwe ko ej tõll̦o̦k ñan mour.​—JK 10:17.

ALWÕJE PIJA EO ETAN “RO JEOVA EJ YOKWE ER EJ KAUWEIK ER,” INNEM UWAAKI KAJJITÕK KEIN ITULAL̦:

• Elemen kar jinoin mour eo an Canon, im ewi wãween an kar oktak?

• Ewi wãween an kar Jeova kauweiki ilo yokwe?

• Ta ko me jemaroñ katak jãn wãween kein me ear iiooni ilo mour eo an?