MOURIN KŨRJIN
Jeova Ej Lo̦mo̦o̦ren Ro Erup Bũrueer
Jet iien aolep armej rej eñjake aer bũrom̦õj. Ñe jej eñjake ad bũrom̦õj, men in ejjab mel̦el̦ein bwe ejjel̦o̦k ad tõmak ilo Jeova. Meñe Jeova, ak ear bar kwal̦o̦k bwe jet iien ej bar eñjake an bũrom̦õj. (Jen 6:5, 6) Ak ta el̦aññe eokkutkut ad lukkuun bũrom̦õj ak bõlen aolep iien jej bũrom̦õj?
Jar ñan Jeova bwe en jipañ. Jeova elukkuun itoklimo kõn ãjmour in kõl̦mãnl̦o̦kjen̦ eo ad im wãween ad eñjake. Ejel̦ã el̦aññe jej m̦õn̦õn̦õ im ejel̦ã el̦aññe jej bũrom̦õj. Emel̦el̦e kõn wãween ad l̦õmn̦ak im wãween ad eñjake. (Sam 7:9b) Men eo el̦aptata an aorõk ej bwe Jeova ej kea kõn kõj im emaroñ jipañ kõj ñan kijenmej ñe jej bũrom̦õj ak ñe ewõr ad nañinmej ilo kõl̦mãnl̦o̦kjen̦.—Sam 34:18.
Kõjparok ãjmour in kõl̦mãnl̦o̦kjen̦ eo am̦. Ñe jej ebbweer, men in ejjab baj kõm̦m̦an wõt bwe jen jab m̦õn̦õn̦õ ak emaroñ bar jelõt jem̦jerã eo ad ippãn Jeova. Kõn men in, jej aikuj kate kõj ñan kõjparok bũruod—ak aolepen armej eo itulowa.—JK 4:23.
ALWÕJE PIJA EO ETAN HOW OUR BROTHERS ARE ENJOYING PEACE DESPITE DEPRESSION, INNEM UWAAKE KAJJITÕK KEIN ITULAL̦:
-
Ta jet iaan men ko Nikki ear kõm̦m̦ani me rar jipañe ñan kijenmej ium̦win nañinmej in kõl̦mãnl̦o̦kjen̦ eo an (depression)?
-
Etke Nikki ear bõk eñjake eo bwe ear aikuj pukot jipañ ikijjeen ãjmour eo an?—Mt 9:12
-
Ilo wãween et ko Nikki ear atartar ioon Jeova bwe en jipañe?
