KATAK 02
Baibõl̦ Ej Letok Juon Kõjatdikdik Em̦m̦an
Armej ro ipel̦aakin lal̦ in rej iiooni apañ ko me rej kõm̦m̦an aer bũrom̦õj, inepata, im bareinwõt metak im eñtaan. Em̦õj ke am̦ iioone juon wãween epen im ekõm̦m̦an am̦ bõk ejja eñjake kein wõt? Bõlen kwõj eñtaan kõn am̦ nañinmej ak kõn an juon eo ejitõnbõro ippam̦ m̦õj an jako ilo mej. Kõn men in, bõlen kwõmaroñ kajjitõk ippam̦ make, ‘Enaaj ke wõr juon iien enaaj em̦m̦anl̦o̦k mour?’ Baibõl̦ eo ej letok juon uwaak ñan kajjitõk in im el̦ap an kaenõm̦m̦an kõj.
1. Ta kõjatdikdik eo me Baibõl̦ ej letok ñan kõj kõn ilju im jekl̦aj?
Baibõl̦ eo ejjab baj kwal̦o̦k wõt kõn unin an lal̦ in obrak kõn apañ ko, ak ej bareinwõt kwal̦o̦k kõn juon nuuj em̦m̦an bwe apañ kein rej ñan jidik wõt iien, im ejjabto jãn kiiõ renaaj lukkuun jako. Kallim̦ur ko ilo Baibõl̦ remaroñ lewaj ñan kwe juon men kwõmaroñ “kõtmãne im kõjatdikdik” kake kõn ilju im jekl̦aj. (Riit Jeremaia 29:11, 12.) Kallim̦ur kein rej jipañ kõj ñan kijenmej wõt ium̦win apañ ko jej iiooni kiiõ, ñan bõk l̦õmn̦ak ko rejim̦we, im ñan ad lo m̦õn̦õn̦õ kiiõ im ñan indeeo.
2. Ekkar ñan Baibõl̦ eo, enaaj ewi wãween mour ilju im jekl̦aj?
Baibõl̦ eo ej kwal̦o̦k bwe ilju im jekl̦aj “enaaj ejjel̦o̦k bar mej, bũrom̦õj, lim̦õ im eñtaan.” (Riit Revelesõn 21:4.) Apañ ko rainin me rej kõm̦m̦an an armej eñtaan—ãinwõt jeram̦õl, kalijekl̦o̦k ak jerbal ko rejjab jim̦we, nañinmej, im mej—renaaj jako. Baibõl̦ ej kallim̦ur bwe armej ro remaroñ m̦õn̦õn̦õ kõn mour ñan indeeo ilo juon Pedetaij ijin ioon lal̦.
3. Ewi wãween kwõmaroñ kõkajoorl̦o̦k tõmak eo am̦ kõn kõjatdikdik eo me Baibõl̦ ej kallim̦ur kake?
Elõñ armej rekõn̦aan bwe men ko rem̦m̦an ren wal̦o̦k, bõtab rejjab lukkuun jel̦ã el̦aññe men ko rej kõjatdikdik kaki renaaj lukkuun jejjet kũtieer. Ijoke, kallim̦ur ko ilo Baibõl̦ reoktak. Jemaroñ kõkajoorl̦o̦k tõmak eo ad ilo kallim̦ur kein ñe jej “kanooj etale Jeje ko.” (Jerbal 17:11) Ilo am̦ katak Baibõl̦ eo, kwõnaaj maroñ make pepe el̦aññe kwõj tõmaki men ko Baibõl̦ ej ba kõn ilju im jekl̦aj.
KAM̦WILAL̦L̦O̦K AM̦ MEL̦EL̦E
Etale jet iaan men ko Baibõl̦ ej kallim̦ur kaki kõn ilju im jekl̦aj. Lale wãween an kõjatdikdik eo ilo Baibõl̦ jipañ armej ro rainin.
4. Baibõl̦ eo ej kallim̦ur kõn juon mour eweeppãn me enaaj ñan indeeo
Lale kallim̦ur kein me repãd ilo Baibõl̦ eo. Ta jet iaan kallim̦ur ko rem̦m̦antata ippam̦? Im etke?
Riiti eoon ko me rej ekkejell̦o̦k ippãn kallim̦ur kein, im etali kajjitõk kein:
-
Kwõj ke l̦õmn̦ak bwe eoon kein rej lewaj ñan eok men ko kwõmaroñ kõjatdikdik kaki? Kwõj ke l̦õmn̦ak bwe baam̦le eo am̦ im ro m̦õttam remaroñ bõk tokjãn jãn kõjatdikdik kein?
Pijaikl̦o̦k m̦õk am̦ mour ilo juon lal̦ me
|
EJJEL̦O̦K JUON ENAAJ . . . |
AOLEP RENAAJ . . . |
|---|---|
|
|
|
|
|
|
|
|
|
|
5. Kallim̦ur ko ilo Baibõl̦ remaroñ lukkuun jipañ kõj
Elõñ armej el̦ap aer bũrom̦õj im inepata kõn apañ ko rej wal̦o̦k ipel̦aakier. Jet rej kõm̦m̦an ellowetak ko im kate er ñan kõm̦m̦an bwe en wal̦o̦k oktak ko rem̦m̦an. Bõtab Baibõl̦ eo ej kallim̦ur bwe enaaj em̦m̦anl̦o̦k mour ilju im jekl̦aj. Kwõmaroñ kal̦apl̦o̦k am̦ mel̦el̦e kõn ewi wãween an kallim̦ur kein jipañ armej ro rainin. Kõjo̦e PIJAIN ALWÕJ eo, innem bwebwenato kake kajjitõk kein:
-
Ilo pija in, ta wãween ko rekalijekl̦o̦k im rejjab jim̦we me rar kainepataik Rafika?
-
Meñe ear jab jako wãween ko rejjab jim̦we Rafika ear loi, ak ewi wãween an kar Baibõl̦ eo jipañe?
Kallim̦ur ko ilo Baibõl̦ kõn ilju im jekl̦aj remaroñ jipañ kõj ñan ad anjo̦ ioon l̦õmn̦ak ko rekabbweerer im jipañ kõj ñan lo tõprak ilo ad kijenmej ium̦win apañ ko jej iiooni. Riit Jabõn Kõnnaan 17:22 im Rom 12:12, innem bwebwenato kake kajjitõk kein:
-
Kwõl̦ak lale kõjatdikdik eo ilo Baibõl̦ eo emaroñ ke jipañ eok bwe en em̦m̦anl̦o̦k mour eo am̦? Im etke kwõj ba men in?
JET ARMEJ REJ BA: “El̦ap an baj em̦m̦an kallim̦ur kein Baibõl̦ ej kwal̦o̦k kaki im ãinwõt epen ad tõmak ñe renãj lukkuun wal̦o̦k.”
-
Ilo am̦ l̦õmn̦ak etke eaorõk ñan am̦ make etale kein kam̦ool ko?
TARLEP IN KATAK EO ILO TUKADU
Baibõl̦ eo ej letok juon kõjatdikdik em̦m̦an me ej jipañ kõj ñan kijenmej ium̦win wãween ko reppen jej iiooni ikijjeen an kallim̦uri kõj kõn juon ilju im jekl̦aj elem̦õn̦õn̦õ.
Ãlij
-
Etke armej rej aikuji juon kõjatdikdik?
-
Ta eo Baibõl̦ ej ba kõn ilju im jekl̦aj?
-
Ewi wãween kõjatdikdik eo em̦m̦an kõn ilju im jekl̦aj emaroñ jipañ eok kiiõ?
KAL̦APL̦O̦K AM̦ MEL̦EL̦E
Kal̦apl̦o̦k am̦ mel̦el̦e kõn wãween an kõjatdikdik eo maroñ jipañ kõj ñe jej iioon wãween ko reppen.
Lale ewi wãween an kõjatdikdik eo kõn ilju im jekl̦aj maroñ jipañ ro renañinmej.
“Baibõl̦ eo Emaroñ Ke Jipañ Ro me Ewõr Aer Nañinmej ko Rel̦l̦ap?” (Katak eo ilo online)
Ilo am̦ alwõje pijain kõjañjañ in, pijaikl̦o̦k kwe im baam̦le eo am̦ ilo ami lukkuun m̦õn̦õn̦õ ilo Pedetaij eo me Baibõl̦ ej kallim̦ur kake kõn ilju im jekl̦aj.
Riiti bwebwenatoun juon em̦m̦aan me el̦ap an kar bõk kun̦aan ñan kõm̦m̦an oktak ilo jukjukun pãd eo an, im kõn wãween an kar oktak ãlikin an kar katak kõn kõjatdikdik eo kõn ilju im jekl̦aj ilo Baibõl̦.
“I No Longer Feel That I Have to Change the World” (The Watchtower, July 1, 2013)
