Etke Jeova ear bõktok juon ibwijleplep ñan ko̦kkure armej ro ilo kar iien ko etto? Jãn kar jinoin bwebwenato in armej, ear jino wal̦o̦k juon tarin̦ae, tarin̦ae eo ikõtaan em̦m̦an im nana. Jet armej ãinwõt Adam, Iv, im l̦eo nejierro etan Kein, rar kããlõt ñan pãd ilo jait eo enana. Ak ro jet ãinwõt Ebel im Noa, rar kããlõt jait eo em̦m̦an. Kõnke enañin aolep armej ro rar kõm̦m̦ani men ko renana, Jeova ear bõktok juon jorrããn el̦ap im ko̦kkure er aolep. Katak ko ilo jebta in renaaj jipañ kõj ñan kile bwe Jeova ej lo jait ta eo jej kããlõte im bwe ejjãmin kõtl̦o̦k bwe nana en anjo̦ ioon em̦m̦an.