AL 134
Ajri ro Rej Menin Jolõt jãn Anij
Ajri ro Rej Menin Jolõt jãn Anij
(Sam 127:3-5)
-
1. Ñe em̦m̦aan ej jino neji
Im kõrã eo ej keotak juon nejin,
Erro ej bõk juon menin jolõt,
Jolõt in aer ej ajri in.
Ej juon jeraam̦m̦an jãn Jeova,
Ren kaorõke im kanooj in yokwe;
Jeova enaaj jipañ erro
’Lo aer lale im kõjparoke.
(KO̦RÕJ)
Em̦õj lewaj juon menin jolõt;
Ñan lale im kõjparoke.
Kwõn katakin e kõn Jeova,
Kaorõke im kanooj yokwe.
-
2. Aolepen kien ko an Anij
Ren pãd ’lo bũruom̦ iien otemjej.
Kwõn katakin ro nejũm̦ kaki
Eddo eo am̦ in jãn Anij.
Kõnono kaki ñe kwõj jijet,
Ñe kwõj babu im ñe kwõj bar jerkak.
Ñe rej rũttol̦o̦k, renaaj jel̦ã
Im jutak pen ilo aer tõmak.
(KO̦RÕJ)
Em̦õj lewaj juon menin jolõt;
Ñan lale im kõjparoke.
Kwõn katakin e kõn Jeova,
Kaorõke im kanooj yokwe.
(Bar lale Dt. 6:6, 7; Ep. 6:4; 1 Ti. 4:16.)
