Ufwile ukumanya vino ivya uzelele vyaya. Vya uzelele vikasaalula ivintu vino Leza waumba ukuya ivya mucinzi. Ukumanya icisinka ci kulalenga “mupate iviipe.”—Masamu 97:10.

 Elenganya pa viipe ivingafumamo. Vya uzelele vikazewanya yano yakavicita. Nupya vikwene avino cikaya na kuli wino akuvitamba. Ali mulandu uno Baibo ikalandila ukuti: “Umuntu wa mano akacevya uzanzo ungamuzana nu kuutuka autuka.”—Mapinda 22:3.

 Wapanga ivya kucita. Umuomvi wa cumi Yobo walanzile ukuti “Nemo napangana mpiti na manso yane ukukana lolekesya pali mwali.” (Yobo 31:1) Vimwi vino ‘mungapanga’ ukucacita aevi:

•  Ntakulaomvya intaneti ndi cakuti indi nenga.

•  Ndi cakuti pa intaneti piza iviipe ndafumapo lilyo kwene.

•  Nga naswilizya ukutamba ivya uzelele ndanena uwikolo muli vyakwe Leza.

 Pepelapo pa wavya uwo. Kalemba wa masamu wapapasile Yeova Leza ukuti: “Umfuntusye ku kwika amano uku vyaciwelewele.” (Masamu 119:37) Yeova akalonda kuti mutunguluke, nupya ndi mukupepa kuli aliwe alamupeela maka ya kucita icilungame—Filipi 4:13.

 Wanenako umwi. Ukunenako umwi wino wataila kwacindama sana pakuti uleke ukutamba vya uzelele.—Mapinda 17:17.

 Waiusya ukuti: Lyonsi lino wataluka ivya uzelele, ale wacimvya uwavya ukulu. Nena Yeova Leza pa kucimvya kuko, nupya mutaizye pa maka yano wakupeela. Ndi cakuti ukutaluka ivya uzelele ulalenga umwenzo wakwe ukuya nu luzango!—Mapinda 27:11.