Baibo ikati Yesu ‘Wene wakomilwe nu mwili wa untunze, lelo wizile aya nu umi ku mupasi.’—1 Petulo 3:18; Milimo 13:34; 1 Kolinto 15:45; 2 Kolinto 5:16.

 Mazwi yano Yesu umwineco walanzile yalangilile ukuti ataali nu kutuutululwa nu mwili wa wazi. Walanzile ukuti wali nu kupeela ‘Umwili wakwe ku antu yonsi amu nsi kuti yaye nu umi’ wa mpolelwa uku yantu. (Yoane 6:51; Mateo 20:28) Ndi atuutululwa nu mwili, ndi wafusile impolelwa ino wapeezile antu. Nomba cii citange cicitike pano Baibo ikalanda ukuti wapeezile umwili wakwe nu wazi “lyonga” sile. “lyonga.”—Ayebulai 9:11, 12.

Ndi cakuti Yesu watuutulwilwe nu mwili wa mupasi, asambi yakwe yamuweni uli?

•  Viumbwa vya mupasi vingazwala umwili wa untunze. Angeli acisile vivyo yalyanga nu kumwa pamwi na antu. (Utandiko 18:1-8; 19:1-3) Nomba nanti yacisile vivyo yali iviumbwa vya mupasi nupya yangafuma na pano nsi.—Yakapingula 13:15-21.

•  Lino Yesu watuutulwilwe, waipanzile umu mwili wa untunze pa nsita inono wakwe vivi kwene vino angeli yacisile uku cisila. Vino wali i ciumbwa ca mupasi wali nu kuloleka pa kasita kanono nupya zuwa zuwa ata ukuloleka. (Luka 24:31; Yoane 20:19, 26) Pa miku yonsi ino walolike, imilolekele yakwe itakoline yapusanangapusanga. Fwandi na ya cuza yakwe Yesu kwene yamumanyanga pa mulandu na vino walandanga na vino wacitanga.—Luka 24:30, 31, 35; Yoane 20:14-16; 21:6, 7.

•  Lino Yesu walolekiile kuli Tomasi, wazwite umwili uwakweti vilonda vino yamupofile. Wacisile vii pakuti akomye utailo wakwe Tomasi pano Tomasi watwisikanga ukuti Yesu watatuutululwa.—Yoane 20:24-29.