Awe. Baibo isilandapo ukuti impiya iziipe, nanti ukuti i zikalenga iviipe vyonsi ukucitika. Umuntu nga walanda amazwi akuti “impiya intulo iya viipe vyonsi” ala atamalizile amazwi yonsi aya api lembo. Pano Baibo yalanda ukuti “ukutemwa impiya i ntulo yonga iya viipe vya misango yonsi.”—1 Timoti 6:10.

•  I vyani vino Baibo yalanda pa mpiya?

•  I cani cino Baibo ikatucelwila pa kukanatemwa impiya?

•  Uzye ukusunda ukwaya muli Baibo ukukalanda pa mpiya kungatwazwa uli?

•  Ivikomo ivyaya muli Baibo ivikalanda pa mpiya

 Baibo ikalangilila ukuti impiya zyaya sile ningo ndi cakuti umuntu akuziomvya ningo, nupya “zikacingilila.” (Kasambilizya 7:12) Ukulunda pali vii, Baibo ikataizya yaayo aaya na ukapekape kuli yauze, paapo apaya nu kupeelako yauze impiya.—Mapinda 11:25.

 Lelo pa nsita ili imwi kwene Baibo ikatucelula ukuti tutalinzile ukuleka impiya ziye ali cintu cicindamisye umu umi. Ikati: “Lekini uwikazi winu utaya uwa kutemwa impiya, lelo mwateeka umwenzo kuli vino mukweti.” (Aebele 13:5) Cino tukusambililako icakuti tulinzile ukulaomvya ningo impiya nu kukanalondesya ivyuma. Lelo, tulinzile ukwika amano kuli vino tukalondekwa sana, wakwe ivyakulya, ivyakuzwala, nu mwakwikala.—1 Timoti 6:8.

 Aakalondesya ukukwata ivingi, yatalaya nu umi wa pe. (Efeso 5:5) Umulandu onga uwakuti, kulondesya kukwata ivingi yaya inzila yakupepelamo utulubi. (Kolose 3:5) Umulandu na uze u wakuti ilingi aakalondesya ukukwata ivingi yasikonka ivisinte vya masunde. Pa Mapinda 28:20 pakati: “Akakalauka umukulonka ivyuma yalamupezya.” Nupya antu yaayo yangapanga ni milandu, ili wakwe ukunena antu ukuti yayapeele impiya pakuti yatayacitila iviipe, kupoka antu impiya ku maka, ukubepa yamwi pakuti yaiyile, nanti kukoma sile.

 Nanti cakuti limwi ukutemwa impiya kutanga kulenga tuye ni miyele iipe, umu kucita vivyo mungafuma iviipe.“Antu aakalondesya ukuya ni vyuma yakaponela umu wezyo nu mu citeyo alino nu mu uwelewele nu kulondesya ivintu iviipe.”—1 Timoti 6:9.

 Ndi cakuti tutalesile impiya zilenge tute ukuya ni miyele isuma nupya tukucita ivintu vino Leza watemwa, tukacindikwa nupya tukalenga Leza atwalilile ukutupaala nu kutucingilila. Leza walaya yonsi akaezya ukucita vintu vikamuzanzya ukuti: ““Ntalakusya, nupya ntalatala nkutazyele.” (Aebele 13:5, 6) Nupya akatuneena nu kuti “umuntu umutailwe alapolelelwa apakalamba.”—Mapinda 28:20.