Lelo antu aingi, yakatwisika ndi cakuti yalakwata vino yakalondesya umu umi. Ni cikalenga yatwisika, a pa mulandu ni vintu ivikacitika ukwaula ukwenekela ivili wa ulwale uwipisye wakwe COVID-19 uwalenga ukuti ivintu vitale sana umu wikazi, imitengo ya vintu ukukwela, na maumi ya antu ukuya umu uzanzo. Cii cikalenga yatwisika ukuti ivintu vitalatala viyazipilepo umu umi.

Pa mulandu ni vintu ivyaula ukwenekela, antu yakalonda ivingayazwa pakuti yakaye nu umi usuma uku nkoleelo. Antu yamwi yazumila umu vintu ivisiloleka ukuti i vingalenga yakwate masyuko. Aingi nayo yakalola kwati amasambililo nu kukwata ivyuma u kungalenga yakwate vino yakalondesya. Yauze nayo yakaelenganya ukuti ukuya umuntu musuma u kungalenga yaye nu umi usuma.

Uzye pali vii vino twalandapo, pali ivingalenga mukakwate ivintu vino mukalondesya uku nkoleelo? Pakuti muzane icasuko, mulinzile ukwelenganya pa mauzyo yaa:

• I vyani ivikalanga vino umi winu ulaya uku nkoleelo?

• Uzye amasambililo ni mpiya vingalenga mukakwate umi usuma?

• Uzye ukuya umuntu musuma u kungalenga mukakwate umi usuma?

• Aekwi kuno mungazana ivingalenga mukakwate umi usuma?

Ulupungu Lwa Mulinzi luu, lumamwazwa ukuzana amasuko uku mauzyo yaa.