ISAMBILILO 58
Twalililini Ukuya Acisinka Kuli Yeova
Aina Klistu ya cumi yasilonda icili consi nanti umuntu aliwensi ukuyalesya ukupepa Yeova. Ukwaula nu kutwisika namwe kwene musilonda icili consi ukumulesya ukupepa Yeova. Yeova watemwa vino mwaya ni cisinka kuli aliwe. (Belengini 1 Milandu 28:9.) I vyani vimwi ivingalenga mufilwe ukutwalilila ukuya acisinka kuli Yeova, nupya i vyani ivingamwazwa?
1. Uzye yauze yangalenga uli mufilwe ukutwalilila ukuya acisinka kuli Yeova?
Antu yamwi yangezya ukutulesya ukuombela Yeova. Aaweni angacita ica musango kwene uwo? Yamwi aata ukuombela Yeova yakalanda ivya ufi pi uvi lyakwe pa mulandu wakuti yakalonda tute ukuya nu utailo. Antu yaa yakaamwa ukuti asangu. Nupya intunguluzi zya mapepo zikalanda ivya ufi pali sweswe pa mulandu wakuti zikalonda ukuti antu aatacenjile yate ukuombela Yeova. Ukulanda na antu ya musango uu, ukubelenga mabuku yao, ukuya pa ma webusaiti yao, nanti ukutamba mavidyo yao kungatuletelela. Yesu walanzile pa yantu akaezya ukulesya yauze ukutwalilila ukuya acisinka lino yakuombela Yeova ukuti: “Lekini yaye. Pano i ntunguluzi impafu. Ndi cakuti impafu ikutungulula impafu yuze, zyonsi zyoili zingaponela mu ciwina.”—Mateo 15:14.
2. Uzye vino tukapingulapo ukucita vingalanga uli ukuti twataila Yeova?
Ukutemwa Yeova kulalenga tutacitako ivintu ivili vyonsi ivikatungilila ukupepa kwa ufi. Nanti sile incito ino tukaomba, utuungwe tuno twayamo nanti ivili vyonsi vino tukacita vitalinzile ukutungilila ukupepa kwa ufi. Yeova akatucelula ukuti: “Fumini muli [Babiloni Mukalamba], mwe yantu yane.”—Kusokolola 18:2, 4.
LONDELEZYINI NA VYUZE
Sambililini vino mungacita pakuti mutaleka umuntu aliwensi amulesye ukutwalilila ukuya acisinka kuli Yeova. Nupya lolini vino mungalanga ukuti mwaya acumi kuli aliwe ndi cakuti mwafuma muli Babiloni Mukalamba.
3. Mwacenjela kuli ya kasambilizya ya ufi
Uzye tungacita uli ndi cakuti tuvwa ivya ufi api uvi lyakwe Yeova? Belengini Mapinda 14:15, alino mulanzyanye iuzyo lii:
-
U mulandu ci uno tulinzile ukuyela acenjele pakuti tutazumila sile ivili vyonsi vino tuvwa?
Belengini 2 Yoani 9-11, alino mulanzyanye mauzyo yaa:
-
Uzye tulinzile ukulola uli asangu?
-
Nanti cakuti tutange twalanda na asangu, tungauvwana uli nayo?
-
Uzye mukwelenganya ukuti Yeova angayuvwa uli ndi cakuti mukwika mano uku mazwi aipe yano antu yakalanda pali aliwe na pi uvi lyakwe
4. Mwatwalilila ukuya acisinka kuli Leza lino umwina nanti nkazi wayembuka
I vyani vino tulinzile ukucita ndi cakuti twamanya ukuti umwi umu cilongano watacita uluyembu ulwipisye? Lolini icisinte icaya umu masunde yano Leza wapeezile aina Izlaeli. Belengini Aina Levi 5:1.
Wakwe vino icilangililwa umu cikomo cii, ndi cakuti twamanya ukuti umwi watacita uluyembu ulwipisye tulinzile ukunena ya eluda ivisinka vino tumanyile. Nomba lino tutatala twacita vivyo, inkoleelo tulinzile ukukomelezya umuntu kwene wiyo ukuyanena ya eluda iviipe vino watacita. Ndi cakuti wafilwa ukucita vivyo, ucisinka witu kuli Yeova ulalenga tunene ya eluda vino tumanyile. Uzye ukucita vii kungalanga ukuti twatemwa . . .
-
Yeova Leza?
-
umuntu watayembuka?
-
amu cilongano?
Ndi cakuti umwina nanti nkazi watandika ukucita ivingamuletelela, mulinzile ukumwazwa!
5. Fumini muli Babiloni Mukalamba
Belengini Luka 4:8 na Kusokolola 18:4, 5, alino mwasuke mauzyo yaa:
-
Uzye ncili nkacitako vimwi ivikatungilila ukupepa kwa ufi?
-
Uzye naya umu kaungwe akakatungililwa ni mipepele yuze?
-
Uzye incito ino nkaomba ikatungilila ukupepa kwa ufi umu nzila imwi?
-
Uzye kwaya vimwi vino nkacita vino ndinzile ukuta pakuti ntaluke uku kupepa kwa ufi?
-
Ndi cakuti inasuka ukuti ee ukwi iuzyo lyonga pa mauzyo yaa, i vyani vino ndinzile ukucita pakuti nsenuke?
Mu vintu vyonsi, mwasoolola ukucita ivingalenga muye na kampingu umusanguluke nu kuya acisinka kuli Yeova.
Mungacita uli ndi cakuti amu mipepele yamunena ukusangwilako?
YAMWI YAKALANDA UKUTI: “Ndinzile ukumanya vino asangu yakalanda pali ya Nte Yakwe Yeova pakuti ncingilile icumi.”
-
Uzye cingaya ica mano ukucita vivyo? U mulandu ci uno mwalandila vivyo?
VINO TWASAMBILILA
Pakuti tutwalilile ukuya acisinka kuli Yeova tutalinzile ukulazanwa na antu aakaezya ukutuponzya.
I vyani vino mwasambilila?
-
U mulandu ci uno tutalinzile ukukutika kuli vino asangu yakulanda?
-
I vyani vino tulinzile ukucita ndi cakuti twamanya ukuti umwina watacita uluyembu ulwipisye?
-
Uzye tunguvwila uli isunde ilikalanda pa kufuma umu kupepa kwa ufi?
LONDELEZYINI
Lolini vino mungacita ndi cakuti yamwi yakusalanganya malyasi ya ufi pali ya Nte Yakwe Yeova.
“Uzye Imukwata Ivisinka?” (Lupungu Lwa Mulinzi, Ogasiti 2018)
Uzye mungacita uli pakuti mumanye utuungwe nanti ivicitwa ivikatungilila Babiloni Mukalamba?
I vyani vino yamwi aakakanya yakacita pakuti yatulesye ukuya nu utailo?
Belengini ilyasi ilyatangi “Nalondanga ukumanya Leza ukufuma uwance wane,” pakuti mulole vino simapepo wa a Shinto watiile ukucita ivintu ivyatungililanga ukupepa kwa ufi.
“Baibo Ikaavwa Antu Ukusenuka” (Lupungu Lwa Mulinzi, Julai 1, 2011)
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
