ISAMBILILO 50
Mungacita Uli Pakuti Umu Lupwa Lwinu Muye Insansa?—Cipande 2
Ana u wila ukufuma kuli Yeova. Nupya akalonda avyazi kusunga ningo uwila uu. Vino Yeova akalanda vingazwa avyazi ukucita vivyo. Nupya vino akalanda vingazwa ana ukulenga amu lupwa ukuya ni nsansa.
1. I vyani vino Yeova akanena avyazi ukucita?
Yeova akalonda avyazi yatemwa ana yao nu kuya pamwi nayo insita izingi. Nupya akalonda avyazi ukucingilila ana yao nu kuomvya ivisinte ivya muli Baibo lino yakuyasambilizya. (Mapinda 1:8) Akanena ya isi ukuti: “Mwayasalapula [ana inu] . . . ukulingana na vino Yeova akalanda.” (Belengini Efeso 6:4.) Yeova akatemwa ndi cakuti avyazi yakucita vino wayanena ukucita lino yakukuzya ana yao nu kukanapeela umulimo uno wayapeela uwa kusambilizya ana yao uku yantu yauze.
2. I vyani vino Yeova wanena ana ukucita?
Yeova wanena ana ukuti: “Mwauvwila avyazi inu.” (Belengini Kolose 3:20.) Ndi cakuti ana yakucindika nu kuvwila avyazi yao, yakalenga Yeova na avyazi yao ukuya ni nsansa. (Mapinda 23:22-25) Vikwene a vino Yesu wacitanga lino wali umwance. Nanti cakuti wali u mumalilike, uvwilanga nu kucindika avyazi yakwe asi mulandu yataali aamalilike.—Luka 2:51, 52.
3. I vyani vino amu lupwa yangacita pakuti yatwalilile ukuya na ucuza usuma na Leza?
Ndi cakuti mwemwe yavyazi, ukwaula nu kutwisika mukalonda ana inu ukutemwa Yeova wakwe vino mwamutemwa. Mungacita uli vivyo? Mulinzile ukucita vino Baibo ikalanda, ikati: “Mwayasambilizya [mazwi yakwe Yeova] ku yana yinu. Mwayataka lino mutenzi pa ng’anda, [na] lino muli pa lwendo.” (Malango 6:7) Ukusambilizya kukapiliula ukulaswilizyapo ivili vimwi. Mulinzile ukulaswilizyapo ivili vimwi pakuti ana yavyuvwikisya nu kulaviusya. Ilembo lii likapiliula ukuti lyonsi mulinzile ukulapaatulako insita iyakulanda na ana inu pali Yeova. I cintu cisuma sana ukupaatulako insita cila mulungu iya kukwata ukupepa kwa lupwa. Ndi cakuti mutakwata ana, namwe kwene mungaipakizya ukukwata insita iya kusambilila Izwi lyakwe Leza cila mulungu.
LONDELEZYINI NA VYUZE
Sambililini vino mungacita ivingalenga ulupwa lwinu ukuya ulucingililwe nupya ulwa nsansa.
4. Mwalanga ukutemwa lino mukusambilizya ana inu
Ukusambilizya ana u mulimo utale. Uzye Baibo ingamwazwa uli? Belengini Yakobo 1:19, 20, alino mulanzyanye mauzyo yaa:
-
Uzye avyazi yangalanga uli ukutemwa lino yakulanzyanya na ana yao?
-
U mulandu ci uno avyazi yatalinzile ukusunda ana lino iyasoka? a
5. Mwacingilila ana inu
Pakuti mucingilile ana inu, icicindama ukulanda na cila mwana pa kulalana kwa monsi nu mwanaci. Mungauvwa insonyi ukulanda pi lyasi lii. Tambini VIDYO, alino mulanzyanye mauzyo atiyalondelelapo.
-
U mulandu ci uno avyazi yamwi yakauvwila insonyi ukunena ana yao pa kulalana kwa monsi nu mwanaci?
-
Iinzila ci zimwi zino avyazi yamwi yaomvya pa kulondolwela ana yao pa kulalana kwa monsi nu mwanaci?
Wakwe vino casowilwe, insi yakwe Satana ikuya ikwipilako sile. Belengini 2 Timoti 3:1, 13, alino mulanzyanye iuzyo lii:
-
Antu yamwi aipe alandwapo umu cikomo 13yakalala na ana anono uku maka. Fwandi, u mulandu ci uno icicindamila avyazi ukusambilizya ana yao pa kulalana kwa monsi nu mwanaci na vino yangaicingilila ku yantu aakalala na ana anono uku maka?
Uzye imumanya?
Ya Nte yakwe Yeova yapanga impapulo izingi izingazwa avyazi ukusambilizya ana yao pa kulalana kwa monsi nu mwanaci nu kuyacingilila kuli yayo aakalala na ana anono uku maka. Lolini:
6. Mwacindika avyazi inu
Ana na alumendo na akazyana yangalanga ukuti yacindika avyazi mu nzila ino yakalandilamo nayo. Tambini VIDYO, alino mulanzyanye mauzyo atiyalondelelapo.
-
U mulandu ci uno cacindamila ana nanti alumendo na akazyana ukulanga umucinzi lino yakulanzyanya na avyazi yao?
-
Uzye umulumendo nanti mukazyana angalanga uli mucinzi lino akulanda na avyazi yakwe?
Belengini Mapinda 1:8, alino mulanzyanye iuzyo lii:
-
Uzye uwacance alinzile ukucita uli lino avyazi yakwe yamunena vino alinzile ukucita?
7. Mwapepela Yeova pamwi
Ya Nte yakwe Yeova yakapaatulako insita cila mulungu iyakukwata ukupepa kwa lupwa. I vyani vino yangacita pa kupepa kuko? Tambini VIDYO, alino mulanzyanye mauzyo atiyalondelelapo.
-
I vyani vino amu lupwa yangacita pakuti yakwata ukupepa kwa lupwa cila mulungu?
-
I vyani vino muvyazi angacita pakuti kupepa kwa lupwa kwazipa nupya yonsi yaipakizya?—Lolini cikope icili pa kutandika kwi sambililo lii.
-
I cani cingalenga citalile ulupwa lwinu ukulasambilila Baibo pamwi?
Umu manda ya ina Izlaeli, Yeova wenekelanga amu ndupwa ukulalanzyanya ivya mu Malembo lyonsi. Belengini Malango 6:6, 7, alino mulanzyanye iuzyo lii:
-
Uzye mungaomvya uli cisinte ci?
Vimwi vino mungacita pa kupepa kwa lupwa aevi:
-
Kupekanya ukulongana.
-
Ukubelenga nu kulanzyanya ilyasi limwi ilya muli Baibo lino yonsi amu lupwa yangaipakizya.
-
Ndi cakuti mwakwata ana anono, mungacita daunilodi nanti kupulinta ivyeo ivyapangilwa ana ivyaya pa jw.org.
-
Ndi cakuti mwakwata ana alumendo na akazyana, mungalanzyanya nayo ivyeo ivikalanda pa yalumendo na akazyana ivyaya pa jw.org.
-
Ukupanga ivyangalo ukuomvya malyasi amuli Baibo pamwi na ana inu.
-
Ukutamba nu kulanzyanya vidyo imwi iyaya pa jw.org.
YAMWI YAKALANDA UKUTI: “Baibo yatala sana ukuvwikisya sana sana uku yance.”
-
Uzye mungatuuli?
VINO TWASAMBILILA
Yeova akalonda avyazi ukutemwa ana yao, ukuyasambilizya nu kuyacingilila; ana yalinzile ukucindika avyazi yao nu kuyuvwila; nupya amu lupwa yonsi yalinzile ukulapepela Yeova pamwi.
I vyani vino mwasambilila?
-
Uzye avyazi yangasambilizya uli ana nu kuyacingilila?
-
Uzye ana yangalanga uli ukuti yacindika avyazi yao?
-
U mulandu ci uno cazipila amu lupwa ukupaatulako insita cila mulungu iya kupepela Yeova pamwi?
LONDELEZYINI
I vyani vino mulinzile ukusambilizya umwana ivingiza vimwazwe nga wakula?
“Masambililo 6 Yano Ana Yalinzile Ukusambilila” (Zyukini! Na. 2 2019)
Sambililini vino Baibo ikalanda pali yano yakasakamala akoloci.
“Uzye Baibo Ikalanda Uli pa Kusakamala Avyazi Akoloci?” (Cipande ca pa intaneti)
Lolini vino umonsi umwi aatamanyile ivya kukuzya ningo ana wizile aya isi musuma.
Lolini vino avyazi aonsi yangakomya ucuza wao na ana yao aonsi.
a Muli Baibo, “ukusunda” kukapiliula ukusambilizya nu kutungulula umwana alino nu kumwazwa kuta ukwelenganya nanti kuta ukucita iviipe. Kusipiliula ukucuzya nanti ukuya nu unkalwe.—Mapinda 4:1.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
