ISAMBILILO 18
Vino Mungamanya Aina Klistu ya Cumi
Antu aingi sana yakalanda ukuti a ina Klistu. Nomba yatazumila mu visambilizyo ivili vimwi nupya yasilondela na masunde ali yamwi. Uzye lyene tungamanya uli aina Klistu ya cumi?
1. Uzye aina Klistu aantu ya musango ci?
Aina Klistu aasambi, nanti alondezi yakwe Yesu Klistu. (Belengini Milimo 11:26.) Uzye yakalanga uli ukuti asambi yakwe Yesu? Yesu watiile: “Nga mukuvwila mazwi yane, ale mwemwe yasambi yane umu cumi.” (Yoani 8:31) Cii cikupiliula ukuti aina Klistu ya cumi yalinzile ukulauvwila vino Yesu wasambilizyanga. Nupya wakwe viivi kwene vino Yesu waomvyanga Malembo pa kusambilizya, avino na ina Klistu ya cumi yalinzile ukulacita.—Belengini Luka 24:27.
2. Uzye aina Klistu ya cumi yakalanga uli ukutemwa?
Yesu wanenyile alondezi yakwe ukuti: “Mwatemwana wakwe vino namutemwa.” (Yoani 15:12) Uzye Yesu walangilile uli ukuti watemilwe asambi yakwe? Wayanga pamwi nayo, wayakomelezyanga, nupya wayazwanga. Wapeezile nu umi wakwe pa mulandu wao. (1 Yoani 3:16) Wakwe Yesu, aina Klistu ya cumi yasilanda sile ukuti yatemwana. Yakalanga muli vino yakalanda na vino yakacita ukuti yatemwa yauze.
3. U mulimo ci uno aina Klistu ya cumi yakaomba?
Yesu wapeezile asambi yakwe umulimo. Wayatumile “umu kusimikila pa Wene wakwe Leza.” (Luka 9:2) Aina Klistu ya kutandikilapo yatasimikilanga sile mu vifulo vyao ivya kupepelamo, lelo yasimikilanga nu kwazanwanga antu aingi nu mu mang’anda ya antu. (Belengini Milimo 5:42; 17:17.) Na ndakai kwene, aina Klistu ya cumi yakasimikila icumi ica muli Baibo konsi ukukazanwa antu. Yatemwa antu yauze, fwandi yakaomvya insita yao na maka ukunenako yauze pi lyasi ilya muli Baibo ilikapeela antu upaalilo nu kuyateekezya.—Mako 12:31.
LONDELEZYINI NA VYUZE
Sambililini vino aina Klistu ya cumi yapusanako na antu asilondela vino Yesu wasambilizyanga na vino wacitanga.
4. Yakalonda ukumanya icumi icaya muli Baibo
Aina Klistu ya kutandikilapo yacindike sana Izwi lyakwe Leza, yasimikilanga ku antu yauze, nupya yatemilwe antu yauze
Antu aakalanda ukuti a ina Klistu yasielenganya ukuti cacindama ukumanya icumi ica muli Baibo. Tambini VIDYO, alino mulanzyanye iuzyo ilyatililondelelapo.
-
I vyani vino amu maceici aakailola ukuti a ina Klistu yakacita pakuti yalesye antu ukusambilila kuli vino Yesu wasambilizyanga?
Yesu wasambilizyanga icumi icaya umwi Izwi lyakwe Leza. Belengini Yoani 18:37, alino mulanzyanye iuzyo lii:
-
Ukulingana na vino Yesu walanzile, uzye tungamanya uli aina Klistu aaya “uku lusansa lwa cumi”?
5. Yakasimikila pa cumi icaya muli Baibo
Aina Klistu ya kutandikilapo yasimikilanga ku antu yauze
Lino Yesu atatala waswilila ukwi yulu, wasiliile alondezi yakwe umulimo uukaombwa na ndakai. Belengini Mateo 28:19, 20 na Milimo 1:8, alino mulanzyanye iuzyo lii:
-
Yali nu kusimikila uli nupya yali nu kusimikila ukufika kwi?
6. Yakacita vino yakasimikila
I vyani ivyalenzile umonsi uwi zina lyakuti Tom ukusininkizya ukuti watazana ukupepa kwa cumi? Tambini VIDYO, alino mulanzyanye mauzyo atiyalondelelapo.
-
Muli vidyo, i vyani ivyalenzile ya Tom ukupata imipepele?
-
U mulandu ci uno yasininkizizye ukuti iyazana icumi?
Vino tukacita vyacindama sana ukucila vino tukalanda. Belengini Mateo 7:21, alino mulanzyanye iuzyo lii:
-
Pali vino tukati twazumilamo na pali vino tukacita, i vili kwi ivyacindama sana kuli Yesu?
7. Yatemwana
Aina Klistu ya kutandikilapo yatemilwe antu yauze
Uzye aina Klistu yakaika maumi yao mu uzanzo pakuti yazwe aina Klistu yauze? Tambini VIDYO, alino mulanzyanye mauzyo atiyalondelelapo.
-
I vyani ivyalenzile ya Lloyd ali yali muli vidyo ukwika umi wao mu uzanzo pakuti sile yapususye Umwina Yoaniseni?
-
Uzye mukwelenganya ukuti yacisile vino umwina Klistu wa cumi alinzile ukucita?
Belengini Yoani 13:34, 35, alino mulanzyanye mauzyo yaa:
-
Uzye asambi yakwe Yesu (aina Klistu ya cumi) yakalola uli antu aankanda yuze nanti aku mpanga yuze?
-
Uzye yakacita uli vivyo lino kwaya inkondo?
YAMWI YAKALANDA UKUTI: “Aina Klistu yacita ivintu ivingi iviipe—uzye yangaya uli ali upefi wa cumi?”
-
I lembo ci lino mungabelengela umwi ilikalangilila vino tungamanya aina Klistu ya cumi?
VINO TWASAMBILILA
Aina Klistu ya cumi yakalondela vino Baibo ikasambilizya, ukulanga ukutemwa nu kuipeelesya, nupya yakasimikila ni cumi icaya muli Baibo.
I vyani vino mwasambilila?
-
Uzye vino aina Klistu ya cumi yazumilamo vyasintilila pali cani?
-
I miyele ci iikamanyisya aina Klistu ya cumi?
-
U mulimo ci uno aina Klistu ya cumi yakaomba?
LONDELEZYINI
Sambililini na vyuze pi umba lya antu aakaezya na maka ukucita vino Yesu wacitanga na vino wasambilizyanga.
Lolini icalenzile uwali sista wa ku katolika ukuzana ulupwa lwakwe ya kapepa ya cumi.
“Yaomvizye Baibo pa Kwasuka Mauzyo Yane Yonsi!” (Lupungu Lwa Mulinzi, Epuleo 1, 2014)
Sambililini vino aina Klistu ya cumi yakalanga ukutemwa kuli ya kapepa yauze aakulondekwa uwazwilizyo.
Ukwazwa Aina na ya Nkazi Lino Kwacitika Uzanzo—Kaputulwa(3:57)
Lolini vino aina Klistu ya cumi andakai yakacita vino aina Klistu ya kutandikilapo yacitanga vino Yesu walanzile ukuti i vilamanyisya alondezi yakwe.
“I Vyani Ivikamanyisya Aina Klistu ya Cumi?” (Lupungu Lwa Mulinzi, Maaci 1, 2012)
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
