ISAMBILILO 09
Mwapepa Pakuti Mupalame Kuli Leza
Uzye mwatala mwayuvwapo ukuti mukulondekwa uwa kumutungulula? Uzye mwakwata mauzyo acindame yano mukalonda masuko? Uzye mukalonda ukuteekeziwa nanti ukukomeleziwa? Uzye mungatemwa ukupalama kuli Yeova? Ipepo lingamwavwa umu vintu vii vyonsi. Nomba mungapepa uli? Uzye Leza akakutika uku mapepo yonsi? I vyani vino mulinzile ukucita pakuti musininkizye ukuti amauvwa mapepo inu? Lekini tusambilile.
1. Uzye tulinzile ukupepa kuli weni, nupya i vyani vino tulinzile ukupepelapo?
Yesu wasambilizye ukuti tulinzile sile ukupepa kuli Tata witu uwa kwi yulu. Yesu umwineco wapepanga kuli Yeova. Watiile: “Mulinzile ukupepa vii: ‘Tata witu uwa mwi yulu . . . ’” (Mateo 6:9) Nga tukupepa kuli Yeova, tukakomya ucuza witu na aliwe.
Tungapepa pa cili consi cino tukulonda. Nomba pakuti Leza aasuke mapepo itu, tulinzile ukupepa ukulingana nu kulonda kwakwe. “Consi cino twamulenga [Leza] icikuvwana nu kulonda kwakwe, akatuvwa.” (1 Yoani 5:14) Yesu watulangilile ivintu vimwi vino tungapepelapo. (Belengini Mateo 6:9-13.) Tutalinzile sile ukupepela pali vino vikutusakamika, lelo tulinzile nu kutaizya Leza pali vino akatucitila nu kumulenga ukuti aazwe yauze.
2. Tulinzile ukupepa uli?
Baibo ikatukomelezya ukuti: “Mwamutula [Leza] amacuzi inu lyonsi.” (Masamu 62:8) Fwandi mapepo itu yafwile ukufuma pansi ya mwenzo. Tungapepa umwi izwi ilyuvwike nanti umu mwenzo umu nzila ikulangilila ukuti twacindika Yeova. Tungapepa insita ili yonsi nu ku ncende ili yonsi.
3. Uzye Leza akaasuka uli mapepo itu?
Akacita vivyo umu nzila izingi. Yeova watupeela Izwi lyakwe, Baibo muno tukazana masuko ku mauzyo aingi yano twakwata. Ukubelenga Baibo, kungalenga umuntu ukuya na “mano.” (Masamu 19:7; belengini Yakobo 1:5.) Angatulenga ukuya nu mutende lino tuli ni ntazi. Nupya angalenga ya kapepa yanji ukutwazwa lino tukulondekwa uwazwilizyo.
LONDELEZYINI NA VYUZE
Sambililini vino mungapepa mapepo aakufuma pa nsi ya mwenzo angazanzya Leza na vino ipepo lingamwazwa.
4. Leza wikako vino tulinzile ukulondela lino tukupepa
I vyani vingalenga Leza aasuke mapepo itu? Tambini VIDYO.
Yeova akalonda twapepa kuli aliwe. Belengini Masamu 65:2, alino mulanzyanye mauzyo yaa:
-
Uzye mukwelenganya ukuti wino ‘akauvwa amapepo’ akalonda mwapepa kuli aliwe? U mulandu ci uno mwalandila vivyo?
Tulinzile ukulondela masunde yakwe Leza ndi cakuti tukulonda akutika uku mapepo itu. Belengini Mika 3:4 na 1 Petulo 3:12, alino mulanzyanye iuzyo lii:
-
Uzye tungasininkizya uli ukuti Yeova amakutika ukwipepo litu?
Lino kuli inkondo, aakulwisyanya yonsi yangapepa kuti yacimvye. Uzye mungenekela Leza ukwasuka mapepo ya musango uwo?
5. Mapepo itu yalinzile ukufuma pansi ya mwenzo
Antu yamwi yayasambilizya ukupepa mapepo ali yamwi. Nomba uzye avino Leza akalonda twacita lino tukupepa kuli aliwe? Belengini Mateo 6:7, alino mulanzyanye iuzyo lii:
-
Mungacita uli pakuti mutaaswilizya kulanda ivili vimwi lino mukupepa?
Cila wanda mungaelenganya pa cintu conga cino Yeova wamucitila nu kumutaizya pa cintu kwene cico. Nga mwacita vii pa mulungu onga, mulazana ukuti mwapepela pa vintu 7 ivipusanepusane ukwaula ukulanda amazwi ali yamwi.
Isi musuma akalonda umwanakwe ukumunena vyonsi vino akuyuvwa. Naswe kwene, Yeova akalonda twapepa kuli aliwe ukufuma pansi ya mwenzo
6. Ipepo u wila ukufuma kuli Leza
Uzye ipepo lingatwazwa uli, sana sana lino tuli ni ntazi? Tambini VIDYO.
Baibo yatulaya ukuti ipepo lingatwazwa ukuteeka umwenzo. Belengini Filipi 4:6, 7, alino mulanzyanye mauzyo yaa:
-
Nanti cakuti insita zimwi ipepo litange lilenge intazi ukufumiziwapo, lingatwazwa uli?
-
I vintu ci vimwi vino mungatemwa ukupepelapo?
Uzye imumanya?
Izwi lyakuti “ameni” lyalola umukuti “ciye vivyo kwene.” Ukufuma pa nsita ino ivyalumbulwa muli Baibo vyacitikanga izwi lyakuti “ameni” likalandwa pa cisila cipepo.—1 Milandu 16:36.
7. Mutailila ukupepa
Insita zimwi tungapamviwa icakuti itufilwa nu kupepa. Uzye ipepo lyacindime uli kuli Yesu? Belengini Mateo 14:23 na Mako 1:35, alino mulanzyanye mauzyo yaa:
-
Uzye Yesu wacitanga uli pakuti akwate insita ya kupepa?
-
Mungacita uli pakuti mukwate insita ya kupepa?
YAMWI YAKALANDA UKUTI: “Kupepa u kusumba insita pano kusi akakutika.”
-
Nga mwemo mungatuuli?
VINO TWASAMBILILA
Mapepo akufuma pansi ya mwenzo yakalenga tuye ya cuza yakwe Leza, ukuteeka umwenzo nu kutupeela amaka yano tukulondekwa pakuti twazanzya Yeova.
I vyani vino mwasambilila?
-
Uzye a kuli weni kuno tulinzile ukupepa?
-
Tulinzile ukupepa uli?
-
Uzye ipepo lingatwazwa uli?
LONDELEZYINI
Zanini amasuko uku mauzyo yano antu yakauzya sana apipepo.
“Vintu 7 Vino Mulinzile Ukumanya Apipepo” (Lupungu Lwa Mulinzi, Okotoba 1, 2010)
Sambililini umulandu uno mulinzile ukupepela na vino mungacita pakuti mwapepa ningo.
“U Mulandu ci Uno Ndinzile Ukupepela?” (Cipande ca pa intaneti)
Sambililini vino Baibo ikasambilizya pali wino tulinzile ukupepako.
“Uzye Ndinzile Ukupepa Uku Yatakatifu?” (Cipande ca pa intaneti)
Muli vidyo ii iya nyimbo, lolini ndi cakuti incende kuno tulinzile ukupepela ni nsita ino tulinzile ukupepelapo vyacindama.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
