IVYUMA IVYAYA UMWI ZWI LYAKWE LEZA | MASAMU 119
‘Mwalondela Masunde Yakwe Yeova’
Kulondela masunde yakwe Yeova cikapiliula ukuitemelwa ukuvwila vino akututungulula. Muli Baibo mwalembwa antu aingi sana aalondelanga masunde yakwe Yeova alino nu kumutaila sana wakwe vino kalemba wa masamu wali.
Kulondela masunde yakwe Leza kungalenga tuye ni nsansa
Yoswa walangizye ukuti wataile sana utunguluzi wakwe Yeova. Wamanyile ukuti pakuti aombe ningo alino nu kuya ni nsansa, walinzile ukutaila Yeova nu mwenzo onsi
Izwi Lyakwe Leza likalenga tuye asipe pakuti twazizimizya intazi
Yelemiya wali umusipe nupya wataile sana Yeova nu mu nsita ya ntazi. Wangupizye uwikazi nupya watwalilile ukuomba umulimo uno wapeezilwe
Kumanya vino Izwi Lyakwe Leza likalanda kukalenga tutauvwa intete lino tukusimikila
Paulo atuvwanga intete lino wasimikilanga antu aali yonsi pali Leza. Wataile sana ukuti Yeova wali nu kumwavwa lino wasimikile Kateeka uwi zina lyakuti Felikisi
Uzye a muli vyani muno ningalanga ukuti nene musipe lino nkusimikila anji?
-
Pa sukulu
-
Ku ncito
-
Mu lupwa
-
Antu yauze
