Yobo 36:1-33
-
Eliu walanda pa milimo yakwe Leza ikalamba ino antu yatanga yuvwikisye (1-33)
36 Eliu watwalilile ukulanda ati:
2 “Twalililini ukunteekelela lino nkulondolola,Pano inkwata mazwi aakulandilako Leza.
3 Namalondolola ningo vino namanya,Nupya namalanda pa ulungami wakwe kaumba wane.
4 Umu cumi mazwi yane asi ya ufi;Uwamanya ningo vyonsi ali pa nkoleelo inu.
5 Leza u wa maka nupya asikana ali wensi;Wakwatisya maka ya kwiluka.
6 Asileka antu aipe ukutwalilila ukuya nu umi,Akapingula umu mulinganya antu aali nu ulanda.
7 Asifumya manso yakwe pa yalungame;Akayalenga ukuya ya kateeka, nupya akayacindamika manda pe.
8 Nomba ndi cakuti yanyepwa na maceniNupya yalemwa umu ntambo zya kucuziwilwamo,
9 Akayasokolwela vino iyacita,Vino iyaluvyanya pa mulandu ni cilumba.
10 Akayula matwi yao pakuti ayalungikeNupya akayanena ukuta ukucita viipe vino yakucita.
11 Ndi cakuti yamuvwila nu kumuombelaYalikala ningo manda yonsi,Nupya yalaya ni nsansa imyaka yao yonsi.
12 Nomba ndi cakuti yatamuvwilile, yalakomwa uku lupangaNupya yalafwa ukwaula mano.
13 Asangu yakasoka.
Yasilenga uwazwilizyo nanti sile alino wayanyepa.
14 Yakafwa lino yacili ance,Yakafwila pamwi na ya cizelele aonsi api tempele.
15 Nomba Leza akapususya yano yakucuzya mu nsita ino yakucuziwaAkayula matwi yao lino yakuyacuzya.
16 Akakufumya umu ntaziNu kukutwala uku ncende ikulu nupya ukwaya untungwa,Ni vyakulya ivingi ivisuma ivya kukusansamusya.
17 Lyene ulasansamuka pali vino umwipe alapingulwa,Lino kulaya upinguzi nu mulinganya.
18 Lelo ucenjele pakuti icipyu cako citalenga uwatoota mitumfyo mitumfyo,Nupya utaleka mafisakanwa akalamba yakuponzye.
19 Uzye ukulenga uwazwilizyo kungakwazwa uli?Nanti cakuti waombesya uli utanga uutuke uku ntazi.
20 Utalondesya ukuti insita ya usiku ifikeLino antu yakafwa ukwaula ukwenekela.
21 Ucenjele pakuti utatandika ukucita viipe,Kusoolola ukucita iviipe ukucila ukucuziwa.
22 Leza wacindikwa pa mulandu na maka yakwe;A kasambilizya ci uwaya wakwe aliwe?
23 A weni aakamunena ivya kucitaNanti ukumunena ati, ‘Watuluvyanya’?
24 Uwaiusya ukulumbanya imilimo yakwe,Ino antu yakamulumbanyizizyapo umu nyimbo.
25 Antu yonsi yailola,Umuntu umwina kufwa akalolela imilimo iiyo akatalamukila.
26 Umu cumi, Leza u mukulu ukucila na vino twamanya;Imyaka yakwe itanga ipendwe.
27 Akatola matoni ya manzi;Nayo yakapanga imvula ukufuma kuli kungwi;
28 Lyene makumbi yakaponya imvula;Imvula ikatoonyezya pa yantu.
29 Uzye kuli aangiluka vino Leza wanza makumbi,Nanti ukupangalakansya ukufuma umwi tenti lyakwe?
30 Lola vino akasalanganya uluswepo lwakwe pa makumbiNu kuvimba pa mufula wakwe yemba.
31 Akasakamala antu ukuomvya ivintu kwene vii;Akayapeela ivyakulya ivingi.
32 Amakasa yakwe yakavimbilikizya ukumyantula kwa nkuwa,Nupya akaleka inkuwa ukuponela pano akulonda.
33 Ukupangalakansya kukamulondolola,Ni viteekwa vikalenga aakwiza amanyikwe.
