Isamu 45:1-17
Ku mukalamba wakwe ya kiimba; “Lwimbo lwa pa Maluwa.” Lwimbo luno ya mwana Kola iimvile. Masikiu.* Lwimbo lwa citemwiko.
45 Umwenzo wane iusansamuka pa mulandu ni vintu vimwi visuma.
Nkulanda ukuti: “Ulwimbo lwane lukulanda pa mwene.”
Si lulimi lwane luye wa kalembelo kano uwamanyikisya ukukopolola* akaomvya.
2 Wewe musuma sana ukucila aonsi yonsi.
Mazwi asuma yakafuma umu kanwa kako.
Ali mulandu uno Leza wakupaalila manda pe.
3 Someka ulupanga lwako umu musana, we wa maka,Wakwata ululumbi nu ucindami.
4 Mu ucindami wako, yanga umu kucimvya;Kwela pa mfwalasi yako ukalwileko aicefye ni cumi nu ulungami,Nupya ikasa lyako ilya kwi lunji lilacita ivintu vya kuzungusya.
5 Inceto zyako zyakalipa, zikalenga antu ukupona pa nkoleelo yako;Zikatota imyenzo ya yalwani ya mwene.
6 Leza ali cilimba cako ica wene manda pe;Intuwa ya wene wako iintuwa ya ulungami.
7 Wemo watemilwe ulungami nu kupata iviipe.
Ali mulandu uno Leza wako watakusoolwela nu kukwitulwila mafuta ya nsansa ukucila auzo.
8 Vyakuzwala vyako vyonsi vikanunkila mule, aloi na kesya;*Vilimba vya nsale ivya mwi sano ilyapangilwa na mino ya nzovu vikakusansamusya.
9 Ana ya mwene akazyana yaya pa yanaci yako aacindikwe.
Namwene akaimilila ukwi kasa lyako ili lunji ala wataiyemvya na goldi uwa ku Ofili.
10 Uvwa kuno we mwana umukazyana, ikisyako mano nu kukutikisya;Ilila antu yako na amu ng’anda yakwe tata wako.
11 Nu mwene alalondesya ukulola ukuyemba kwako,Pano wene u musambazi wako,Fwandi uwamufukamila.
12 Umwana umukazyana uwa ku Tuli aliza nu upe;Antu aavyuma yalaalonda ukutemwikwa kuli wewe.
13 Umwana wa mwene umukazyana wacindikwa sana umwi sano;Ivyakuzwala vyakwe vyayemviwa na goldi.
14 Yalamutwala uku mwene ala azwite ivyakuzwala ivipikulwe ningo.
Ya nacisungu yauze aakamukonka yalayaleta kuli wewe.
15 Yalayaleta ale yakusansamuka;Nupya yalingila umwi sano lya mwene.
16 Ana yako aonsi yalapyana ivikolwe vyako.
Ulayasonta ukuya ya cilolo umu nsi yonsi.
17 Ndalenga izina lyako ukumanyikwa uku nkulo zyonsi iziliza.
Ali mulandu uno antu yalakulumbanyizizya manda pe.
Mafutunoti
^ Lolini Ulondolozi wa Mazwi.
^ Nanti “kalemba.”
^ A mazina ya miti ino yaomvyanga uku kupangila mafuta aanunkile.
