Isamu 129:1-8
-
Ukuzanzwa lelo ukwaula ukucimviwa
-
Yonsi aapata Zioni yalaya ni insonyi (5)
-
Lwimbo lwa kwimba pa kulemela
129 “Yakanzanza lyonsi ukufuma uku wance wane.”
Si Aina Izlaeli yaswilizye mazwi yaa:
2 “Yakanzanza lyonsi ukufuma uku wance wane;Nomba yatancimvya.
3 Aalimi yalima api tundu lyane;Yatalimfya imyolo yao.”
4 Lelo Yeova u mulungami;Waputula imyando ya yantu aipe.
5 Yonsi aapata Zioni,Yalaya ni insonyi nupya yalaswilila ala iyazewana.
6 Yalaya wi sote ilikamela api paalaIlikauma lino yatatala yaliipula,
7 Ilitanga lizuule mu minwe yakwe wino akuliipula.Nanti umu makasa yako wino akukolonganika imyanzi;
8 Aapita nzila yatalalanda yati:
“Si ipaalo lyakwe Yeova liye naawe;Twakupaala umwi zina lyakwe Yeova.”
