Isamu 119:1-176
-
Kutaizya api zwi lyakwe Leza ilicindame
-
‘Uzye acance yangalenga uli inzila ukuya isanguluke?’ (9)
-
“Natemwa amasunde yako” (24)
-
“Natemwa sana masunde yako!” (97)
-
“Nakwata mano ukucila ya kasambilizya yane yonsi” (99)
-
“Izwi lyako lyaya kwati a lampi muno nkupita” (105)
-
“Mazwi yako yonsi aacumi” (160)
-
Aatemwa masunde yakwe Leza yaya nu mutende (165)
-
א [Aleph]
119 Ansansa aantu akaele umu mipitile yao,Aakalondela amasunde yakwe Yeova.
2 Ansansa aantu akalondela amasunde yakwe,Aakamulonda ni myenzo yao yonsi.
3 Yakacita ivilungame;Yakalondela inzila zyakwe.
4 Wemo walanda ukutiMasunde yako yalondelwa.
5 Fwandi nga cazifile intwalilila ukuya umusipeNu kulondela ama sunde yako lyonsi!
6 Lyene ntalazewanaNga nika mano uku masunde yako yonsi.
7 Ndakulumbanya nu mwenzo usangulukeNga nasambilila apa upinguzi wako ulungame.
8 Ndauvwila amasunde yako.
Utaca undekelezye.
ב [Beth]
9 Uzye umulumendo angalenga uli inzila yakwe ukuya isanguluke?
U kupitila umu kulondela izwi lyako.
10 Ndakulonda nu mwenzo wane onsi.
Utaleka imfume umu masunde yako.
11 Nkasunga amazwi yako umu mwenzo wanePakuti ntaca nkuyembukile.
12 Si ulumbanyiziwe we Yeova;Nsambilizye amasunde yako.
13 Imilomo yane ikalandaApa upinguzi wako onsi uno walanda.
14 Nkasansamukila apa masunde yakoUkucila apa vintu vyuze vyonsi ivya mutengo.
15 Ndaelenganya sana apa masunde yakoNu kwika amano uku nzila zyako.
16 Natemwa amasunde yako
Ntalatala nilile amazwi yako.
ג [Gimel]
17 Wacitila ne muomvi wako ivisuma,Pakuti ningaya nu umi nu kuvwila amazwi yako.
18 Yula manso yane pakuti ningalola ningoIvintu vyakuzungusya ivyaya umu masunde yako.
19 Nene mwenyi umu mpanga.
Utamfinsa masunde yako.
20 Intonta pa mulandu nu kuluuka sanaUpinguzi wako insita zyonsi.
21 Ukakalipila aacilumba,Aatipwe aakata ukuvwila masunde yako.
22 Fumya umuzewanya pali nene nu kusuulwa,Pano nkauvwila masunde yako.
23 Nanti sile alino ya cilolo ikala pamwi nu kulanda iviipe pali nene,Ne muomvi wako nkaelenganya apa masunde yako.
24 Natemwa amasunde yako;Pano aali yano yakampandako amano.
ד [Daleth]
25 Nkalaala ala imfupama umu lukungu
Pususya umi wane ukulingana ni izwi lyako.
26 Nakunenyile apa miyele yane nupya wangaswike;Nsambilizye amasunde yako.
27 Leka imanye upiliulo uwa masunde yako,Pakuti ningaelenganya sana apa milimo yako iya kuzungusya.
28 Nsilaala pa mulandu nu ulanda.
Nkomye kulingana ni izwi lyako.
29 Fumya inzila ya ufi pali nene,Undange uluse ukupitila umu kunsambilizya masunde yako.
30 Nasoolola inzila yako iya cisinka.
Namanya ukuti upinguzi wako ulungame.
31 Nkauvwila masunde yako.
We Yeova, utaleka inzewane.
32 Ndaalondesya ukulondela masunde yakoPano ukalenga ukuti umwenzo wane walondesya ukuyalondela.
ה [He]
33 We Yeova nsambilizye masunde yako,Nupya ndaayalondela lyonsi.
34 Ngazwe ukwiluka,Pakuti nalondela masunde yakoNu kutwalilila ukuyalondela nu mwenzo wane onsi.
35 Ntungulule umu nzila ya masunde yako,Pano ali muno nkasansamukila.
36 Leka umwenzo wane walondesya ukulondela masunde yako,Ukwaula ukuya na ukaitemwe.
37 Talusya amanso yane uku kulolekesya ivintu vya sile sile;Tungilila umi wane umu nzila yako.
38 Fikilizya umulapo wako uku muomvi wako,Pakuti antu yangaakoopa.
39 Fumyapo umuzewanya uno nkaopa,Pano upinguzi wako u suma.
40 Lola vino nkalondesya masunde yako.
Sungilila umi wane umu ulungami wako.
ו [Waw]
41 We Yeova, si ndange ukutemwa kwako ukwa cumi,Mpususye ukulingana nu ulayo wako;
42 Lyene ndasuka aakanzewanya,Pano nataila umwi zwi lyako.
43 Utafumya amazwi ya cumi umu kanwa kane,Pano nkaloleela upinguzi wako.
44 Ndatwalilila ukulondela amasunde yako,Ndaayalondela amanda pe.
45 Nupya ndaapita umu ncende icingililwe,Pano nkalonda amasunde yako.
46 Ndalanda pa masunde yako pa nkoleelo ya ene,Nupya ntaluvwa insonyi.
47 Natemwa amasunde yako,Nayatemwa sana.
48 Ndapepa kuli wewe ala inkatusya amakasa umupela pa mulandu wakuti natemwa masunde yako,Nupya ndaelenganya sana pa masunde yako.
ז [Zayin]
49 Iusya amazwi yako yano wanenyile umuomvi wako,Aakalenga ukuti naloleela.
50 Cii cikalenga ukuti nateekeziwa lino nkucuula,Pano mazwi yako yalenga ukuti ntwalilile ukuya nu umi.
51 Antu acilumba yakantumfya,Lelo nsifuma umu masunde yako.
52 Nkaiusya upinguzi wako uwa mpiti we Yeova,Nupya nkatekeziwa.
53 Icipyu icindema pa mulandu wa yantu aipe,Aasilondela amasunde yako.
54 Amasunde yako yaya wa lwimbo kuli neneMonsi mumo nkaikala.
55 Mu nsita ya usiku nkaiusya izina lyako we Yeova,Pakuti ntwalilile ukulondela masunde yako.
56 Vikwene avino nkacitaPa mulandu wakuti nkalondela masunde yako.
ח [Heth]
57 We Yeova wewe uli ca upyanyi cane;Indaya ukuti ndatwalilila ukulondela amazwi yako.
58 Nkupaapata kuli wewe nu mwenzo wane onsi;Nguvwile uluse ukulingana nu ulayo wako.
59 Inceeceta inzila zyane,Pakuti inganzo zyane ziswilile uku masunde yako.
60 Nkacincila nupya nsisitokaUkulondela masunde yako.
61 Imyando ya yantu aipe yanzinguluka,Lelo nsiilila masunde yako.
62 Nkakatuka usiku pakasi pakuti nkutaizyePa mulandu nu upinguzi wako ulungame.
63 Nkapanga icuza na antu yonsi aakakoopaAlino na yonsi aakalondela masunde yako.
64 Ukutemwa kwako ukwa cumi we Yeova kwazula insi;Nsambilizye masunde yako.
ט [Teth]
65 Watucitila umuomvi wako ivisuma we Yeova,Ukulingana na vino walanzile.
66 Nsambilizye ukwiluka nu kumanya,Pano nataila umu masunde yako.
67 Lino ntatala natandika ukucuula napumbukanga,Nomba lyene nkalondela masunde yako.
68 Wewe musuma ni milimo yako yaya isuma.
Nsambilizye masunde yako.
69 Antu acilumba yakambepezya,Lelo nkalondela masunde yako nu mwenzo wane onsi.
70 Yakoma imyenzo,Lelo natemwa masunde yako.
71 Cili ningo pali vino nkucuziwa,Pakuti nsambilile masunde yako.
72 Masunde yano wikako aasuma kuli nene,Yazipa ukucila goldi umwingi na siuva.
י [Yod]
73 Makasa yako yampanzile.
Mpeele ukwiluka,Pakuti nsambilile masunde yako.
74 Yayo aakakoopa nga yandola yakasansamuka,Pano nkaloleela izwi lyako.
75 Namanya we Yeova ukuti upinguzi wako uulungameNu kuti ukansunda pa mulandu na ucisinka wako.
76 Si ukutemwa kwako ukwa cumi kunteekezyeUkulingana na vino walavile umuomvi wako.
77 Nguvwile uluse pakuti ntwalilile ukuya nu umi,Pano natemwa masunde yako.
78 Si antu acilumba yazewane,Pano yakancitila iviipe apaula umulandu.
Lelo nemo namaelenganyanga sana pa masunde yako.
79 Leka yayo aakakoopa yawele kuli nene,Yayo amanya masunde yako.
80 Si umwenzo wane utwalilile ukuya uwa kaele umu kulondela masunde yako,Pakuti ntazewana.
כ [Kaph]
81 Nkalondesya ukuti umpususye,Pano nkaloleela izwi lyako.
82 Manso yane iyatonta lino nkuloleela ukuti ulayo wako ukafikiliziweLino nkulanda ukuti: “A lilaci lino ulanteekezya?”
83 Pano indi wa nyambi iyuma pa mulandu ni cunsi,Lelo nsiilila masunde yako.
84 A manda yanga yano ne muomvi wako ndaloleela?
Uzye a lilaci lino ulaleta upinguzi pa yantu aakancuzya?
85 Antu acilumba yanjimbila iviwina,Kuli kuti aasilondela masunde yako.
86 Masunde yako yonsi yatailwa.
Antu yakancuzya apaula umulandu; ngazwe!
87 Kwasile sile panono ukuti yandovye umu nsi,Lelo ntaatile ukulondela masunde yako.
88 Ncingilile pakuti ntwalilile ukuya nu umi pa mulandu nu kutemwa kwako ukwa cumi,Pakuti nalondela masunde yano wikako.
ל [Lamed]
89 Amazwi yako we Yeova,Yalatwalilila ukuyako umwi yulu amanda pe.
90 Waya na ucisinka umu nkulo zyonsi.
Wasimpa insi pakuti ingatwalilila ukuyako.
91 Pa mulandu nu upinguzi wako, imilimo yako yonsi yatwalilila ukuyako ukufika na ndakai,Pano vyonsi uumbo wako.
92 Nga ntatemilwe masunde yako,Nga nafwa pa mulandu nu kucuula.
93 Ntalatala nilile masunde yako,Pano wacingilila umi wane ukupitila umu masunde yako.
94 Nene muntu wako, mpususyePano nkalonda masunde yako.
95 Aipe yakaloleela ukuti yangonone,Lelo nkaika sana mano uku masunde yako.
96 Nalola ivintu vingi ivimalilike,Lelo masunde yako yazipa ukucila vyonsi vii.
מ [Mem]
97 Natemwa sana masunde yako!
Nkaelenganyapo uwanda onsi.
98 Masunde yako yakandenga ukuya na mano ukucila alwani yane,Pano yakantungulula lyonsi.
99 Nakwata mano ukucila ya kasambilizya yane yonsi,Pano nkaelenganya sana pa masunde yako.
100 Nkailuka ukucila aikolo,Pano nkalondela masunde yako.
101 Nkakana ukupita umu nzila iili yonsi iipe,Pakuti ntwalilile ukulondela mazwi yako.
102 Nsifuma umu masunde yako,Pano wansambilizya.
103 Ivyeo vyako vyalyompa,Vyalyompa ukucila uci!
104 Nkailuka pa mulandu na masunde yako.
Ali mulandu uno napatila inzila ya ufi ili yonsi.
נ [Nun]
105 Izwi lyako lyaya kwati a lampi muno nkupita,Nupya u luswepo umu nzila yane.
106 Indapa umulapo nupya ndaufikilizya,Pakuti nalondela upinguzi wako ulungame.
107 Nacuziwa sana.
We Yeova mpususye ukulingana ni izwi lyako.
108 We Yeova, uwasansamukila umu malambo yane aakuitemelwa aakukulumbanya,Nsambilizye amasunde yako.
109 Umi wane waya umu uzanzo lyonsi,Lelo ntilila masunde yako.
110 Antu aipe yanteya,Lelo ntafuma umu masunde yako.
111 Nkalola masunde yako ukuti i ca upyanyi cane amanda pe,Pano yakandenga ukuya ni nsansa.
112 Napingula ukulondela masunde yakoInsita zyonsi suka lino ndafwa.
ס [Samekh]
113 Napata antu amyenzo iili,Lelo natemwa masunde yako.
114 Wewe ncende yane umwakufisamamo,Nupya icisyangu cane pano nkaloleela izwi lyako.
115 Talukiini kuli nene mwe yantu aipe,Pakuti nalondela masunde yakwe Leza wane.
116 Untungilile wakwe vino walavile,Pakuti ningatwalilila ukuya nu umi;Nataila muli wewe, utaleka nzewane.
117 Ntungilile pakuti ningapusuka;Lyene lyonsi ndaika mano uku masunde yako.
118 Ukakana yonsi akaleka ukulondela masunde yako,Pano aufi nupya aa ucenjezi.
119 Ukafumya aipe yonsi umu nsi wa vikoona ivya sile sile.
Ali mulandu uno natemelwa masunde yako.
120 Ukutiina wewe kukalenga umwili wane ukuzakaza;Nkatiina upinguzi wako.
ע [Ayin]
121 Incita ivilungame nupya ivya mulinganya.
Utampeela uku yalwani yane!
122 Umpeele usininkizyo wakuti ulangazwa ne muomvi wako;Si utaleka antu acilumba yancuzya.
123 Manso yane iyatonta pa mulandu nu kuloleela ukuti umpususyeNa pa mulandu nu ulayo wako ulungame.
124 Langa ukutemwa kwa cumi uku muomvi wako,Nupya nsambilizye masunde yako.
125 Nene muomvi wako, mpeele ukwiluka,Pakuti imanye masunde yako.
126 We Yeova insita yatifika iyakuti ucitepo cimwi,Pano iyatama masunde yako.
127 Ali mulandu uno natemelwa masunde yakoUkucila goldi kumwi sile na goldi umwengululwe.
128 Fwandi ali mulandu uno nkaikila mano ku mazwi alungame aakafuma kuli wewe;Napata inzila ya ufi yonsi.
פ [Pe]
129 Masunde yako aa kuzungusya.
Ali mulandu uno nkayalondela.
130 Kusokolola amazwi yako kukaleta uluswepo,Kukalenga antu atamanya cimwi ukwiluka.
131 Nkaasamisya nu kufuteeka,Pano nkalondesya masunde yako.
132 Senukila kuli nene nu kundanga uluse,Kulingana nu upinguzi uno ukalanga kuli yano yatemwa izina lyako.
133 Uwatungulula intampulo zyane ukuomvya amazwi yako;Utaleka natungululwa ni cintu cili consi iciipe.
134 Mpususye uku yantu aakancuzya,Nupya ndatwalilila ukulondela masunde yako.
135 Leka icinso cako ciyengese pa muomvi wako,Nupya nsambilizye masunde yako,
136 Aminsozi yakukonkoloka umu manso yanePano antu yasilondela amasunde yako.
צ [Tsade]
137 Wewe mulungami we Yeova,Nupya upinguzi wako u wa mulinganya.
138 Masunde yano ukapeela aalungameNupya yasintililwapo sana.
139 Kucincila kwane kumandya,Pano alwani yane ilila amazwi yako.
140 Amazwi yako yasangululwa sana,Nupya ne muomvi wako nayatemwa.
141 Nene wa sile sile nupya nasuulwa;Lelo ntilila masunde yako.
142 Ulungami wako uulungami wa manda pe,Nupya masunde yako aa cumi.
143 Nanti cakuti nkakwata intazi nupya ivintu vikantalila,Nkatwalilila ukutemwa masunde yako.
144 Ulungami wa masunde yako u wa manda pe.
Mpeele ukwiluka pakuti ntwaliliile ukuya nu umi.
ק [Qoph]
145 Nkulilila kuli wewe nu mwenzo wane onsi, ngasuke we Yeova.
Namalondelanga masunde yako.
146 Nkulilila kuli wewe; mpususye!
Ndatwalilila ukuvwila masunde yako.
147 Nkazyuka katondotondo nu kulilila kuli wewe pakuti ndenge uwazwilizyo,Pano nkaloleela mazwi yako.
148 Nkazyuka usiku,Pakuti nelenganye pa mazwi yako.
149 Kutika ukwi zwi lyane pa mulandu nu kutemwa kwako ukwa cumi.
We Yeova leka ntwaliliile ukuya nu umi pa mulandu nu mulinganya wako.
150 Yayo aakacita ivicitwa vya winyi yakaiza umupiipi;Yataluka uku masunde yako.
151 Waya apiipi we Yeova,Nupya masunde yako yonsi aacumi.
152 Nasambilile mpiti sana pa masunde yako,Ukuti waiikako pakuti yayeko amanda pe.
ר [Resh]
153 Lola vino nkucula nupya mpususye,Pano ntilila masunde yako.
154 Ncingilile nu kumpususya;Leka ntwalilile ukuya nu umi ukulingana nu ulayo wako.
155 Kupusuka kwaya ukutali sana na antu aipe,Pano yasilonda masunde yako.
156 Uluse lwako u lukalamba we Yeova.
Leka ntwalilile ukuya nu umi pa mulandu nu mulinganya wako.
157 Aakancuzya na alwani yane a ingi;Nomba ntafuma umu masunde yako.
158 Antu aucenjezi nkayalola ukuti a winyi,Pano yasilondela amazwi yako.
159 Lola vino natemwa masunde yako!
We Yeova, leka ntwalilile ukuya nu umi pa mulandu nu kutemwa kwako ukwa cumi.
160 Mazwi yako yonsi aacumi,Nupya upinguzi wako onsi uulungame ukaikalilila amanda pe.
ש [Sin] nanti [Shin]
161 Ya cilolo yakancuzya apaula umulandu,Lelo umwenzo wane ukaopa mazwi yako.
162 Nkasansamukila umu mazwi yakoWa muntu uwatazana ivyuma ivingi.
163 Napata sana ufiNatemwa masunde yako.
164 Nkakulumbanya imiku 7 cila wandaPa mulandu nu upinguzi wako ulungame.
165 Aatemwa masunde yako yaya nu mutende uwingi;Kusi icingayalenga ukupumika.
166 Nkaloleela ukupususya kwako we Yeova,Nupya nkalondela amasunde yako.
167 Nkalondela masunde yako,Nupya nayatemwa sana.
168 Nkalondela masunde yako,Pano wamanya vyonsi vino nkacita
ת [Taw]
169 Si leka ukulila kwane ukwa kulenga uwavwilizyo kuvwike kuli wewe we Yeova.
Ukulingana na mazwi yako, ngazwe ukwiluka.
170 Si leka ukulenga kwane ukwa kunguvwila uluse kuvwike kuli wewe.
Mpususye wakwe vino walavile.
171 Leka imilomo yane iyakulumbanya sana,Pano ukansambilizya masunde yako.
172 Leka ululimi lwane lwaimba pa mazwi yako,Pano masunde yako yonsi aalungame.
173 Leka ikasa lyako liipekanye ukungazwa,Pano insoolola ukulondela masunde yako.
174 Nkalondesya ukuti umpususye we YeovaNupya natemwa sana masunde yako.
175 Leka ntwalilile ukuya nu umi pakuti nakulumbanya;Si upinguzi wako wangazwa.
176 Impumbuka wa mfwele iponge, ndonde ne muomvi wako,Pano ntilila masunde yako.
