Ezaya 62:1-12
-
Izina lyakwe Zioni ilipya (1-12)
62 Pa mulandu wakwe Zioni ntalasuulako sile,Na pa mulandu wakwe Yelusalemu ntalikala myaMpaka ulungami wakwe uce wayengesa wa luswepo ulukalambaNi pusukilo lyakwe wakwe toci aakwaka.
2 “We mwanaci, inko zilalola ulungami wako,Na ya mwene yonsi yalalola ucindami wako.
Nupya ulaamilwa ukwi zina ilipya,Lino Yeova umwineco alakupeela.
3 Ulaya icisote ca wene iciyembe umu minwe yakwe Yeova,Citambala ca ku wene umu minwe yakwe Leza wako.
4 Utalaamwapo nupya ukuti mwanaci wino yatazyela,Ni mpanga yako italatwalilila ukwamwa ukuti impanga iyaulamo icili consi.
Lelo ulaamwa ukuti Nkazangila Muli Aliwe,Ni mpanga yako ilaamwa ukuti Umutwalwe.
Pano Yeova alaazangila muli wewe,Ni mpanga yako ilaya wa muntu umutwalwe.
5 Pano wakwe vino umonsi akatwala umwanaci nacisungu,Ali vino ana yako aonsi yalakutwala.
Nupya wakwe vino siwinga akasansamuka pali nawinga wakwe,Avino Leza wako alasansamuka pali wewe.
6 Pa viumba vyako we Yelusalemu, nikapo alinzi.
Musanya onsi nu usiku onsi yatafwile ukwikala mya.
Mweyano mukalumbanya Yeova,Mutafwile ukuta,
7 Mutaleka Leza winu apuuze ukufikila ace awezye Yelusalemu,Nu kuleka ukuti antu aaya umu nsi yace yamulumbanya.”
8 Yeova watalapa umulapo ukuomvya ikasa lyakwe ilya kwi lunji, kuli kuti ikasa lyakwe ilya maka ati:
“Ntalaleka nupya alwani yako yasende ivyakulya vyako,Nanti ukuleka antu ya ku mpanga zyuze yamwe waini wako umupya wino waculiile.
9 Lelo aakuvikolonganika yalavilya nu kulumbanya Yeova;Na aakukolonganika imyangazi yalamwela waini umu misolo yane iya muzilo.”
10 Ingilini, ingilini pa mpongolo.
Zifyini inzila umwa kupita antu.
Pangini, pangini umuseo.
Fumyinimo amawe.
Imikini icimanyililo icakuti antu yalola.
11 Yeova watamanyisya insi yonsi ati:
“Munene umwana umwanaci uwa ku Zioni muti,‘Kupusuka kwako kuli umupiipi,
Leza ali ni cilambu ica kukupeela.Kumwi na malipilo.’”
12 Yano Yeova wakulwile yalaamwa ukuti antu ya muzilo,Naawe ulaamwa ukuti Musumba Uno Leza Walonzile pa Cisila, Musumba Uutalekeleziwe.
