Ezaya 53:1-12
53 A weni uwataile vino twalanzile?
Nupya a kuli weni kuno Yeova wasokolwile maka* yakwe?
2 Alaya wa kamusambo pa nkoleelo yakwe na wa musisi umu mpanga iyumisye.
Asiloleka umupusaneko, nanti umucindame;Nupya nga twamulola tusilola ukuyemba ukungalenga tuye kuli aliwe.
3 Antu yamusuuzile nu kumutaaluka,Wamanyile vino cikauvwika ukucula nu kulwala.
Cali kwati cinso cakwe cafisilwe kuli sweswe,
Wasuuzilwe nupya twamulolanga ukuti atacindama.
4 I cumi kwene wasenzile indwala zituNu kuwaika,
Lelo twamulolanga wa muntu umulwale, aakufululwa na Leza nupya aakucuziwa.
5 Wapopiilwe pa mulandu nu kuluvyanya kwitu;Wacuziwe pa mulandu ni membu zitu.
Umilwe pakuti tuye nu mutende,Nupya ivilonda vyakwe vyalenzile ukuti tupole.
6 Swensi kwene tukalulumba wa mfwele,Cila muntu akacita vino akulonda,Nupya Yeova walenga ukuti membu zitu swensi ziye pali aliwe.
7 Watitikiziwe nupya walesile ukuti yamucuzye,Lelo atalanzile icili consi.
Yamusenzile wa mfwele umu kumukoma,Lelo wali mya wa mfwele iya kaci iili pano yakuipela mavumbu,Nupya atalanzile icili consi.
8 Wacuziwe nupya wakomilwe ukwaula ukupingulwa nu mulinganya;Nupya a weni aalalondolola vyonsi pa nkulo yakwe?
Pano wakomilwe;Wakomilwe pa mulandu nu kuluvyanya kwa yantu yane.
9 Waziisilwe pamwi na ya kacita ya viipeNa akankala,Nanti cakuti ataluvyanyizyepo*Nupya ataatazile alande ivya ucenjezi.
10 Lelo kwali ukulonda kwakwe Yeova ukwakuti acule sana, nupya wazumilizye ukuti acule.
We Leza ndi cakuti ulapeela umi wakwe ukuya ilambo lya pa mulandu,Alalola ana yakwe, alikala manda aingi,Nupya ukulonda kwakwe Yeova kulacitikila muli aliwe.
11 Pa cisila ca kucululuka, alatemwa pali vino alalola.
Pa mulandu na vino wamanya, umulungami kuli kuti umuomvi wane,Alalenga antu aingi ukuya alungamiNupya alasenda imembu zyao.
12 Pa mulandu kwene uu ndamupeela icilambu pamwi na antu aingi,Nupya alapeelwako ivyuma ivyapokololwa uku yalwani pamwi na antu aamaka,Pa mulandu wakuti wapeezile umi wakwe ukufika nu ku mfwaNupya wapendiilwe pamwi na ya kacita ya viipe;Wasenzile imembu zya yantu aingi,Nu kupaapatilako ya kacita ya viipe.
