Ezaya 48:1-22
48 Uvwini kuno mwe ya mu ng’anda yakwe Yakobo,Mweyano mukayamila ukwi zina lyakwe IzlaeliNa mwemuno mwafuma muli Yuda,Mwemuno mukalapa ukuomvya izina lyakwe Yeova,Mweyano mukapepa kuli Leza wa Ina Izlaeli,Nanti cakuti musicita vivyo mu cisinka nu mu ulungami.
2 Pano mukati mwikala umu musumba wa muziloNupya mukalenga uwazwilizyo kuli Leza wakwe Izlaeli,Wino izina lyakwe a Yeova uwa maumba.
3 “Mpiti namunenyile ivyali nu kucitika.
Navilanzile ukuomvya kanwa kane,Nu kulenga ukuti vimanyikwe.
Mu kupumikizya nacisile vino nalanzile nupya vyafikiliziwe.
4 Pano namanyile vino wakoma umwenzo,—Insingo yako yaya wa cela ni cipuma cako wakwe koopa—
5 Nakunenyile mpiti.
Nakunenyilepo lino vitatala vyacitika,Pakuti utaca ulande uti, ‘Cilubi cane icaticicita vii’;Nu kuti, ‘Ivilubi vyane ivyativilenga kuti vii vicitike.’
6 Uuvwa nu kulola ivintu vii vyonsi.
Uzye utalavimanyisya kuli yauze?
Kutandika likwene nkukumanyisya ivintu ivipya,Inkama zino utaamanyile.
7 Likwene alino vikucitika, vitaacitike mpiti,Ivintu vino utaatala uvwapo,Pakuti utaca ulande uti, ‘Navimanyile mpiti.’
8 Utaatala uvwapo, utaavimanya,Nupya mpiti matwi yako yataayuliike.
Pano namanya ukuti waya sana nu ucenjezi,Nupya ukaamwa ukuti kacita wa viipe ukufuma pano wavyaliilwe.
9 Lelo pa mulandu wi zina lyane ntalaleta ukali;Pa mulandu nu ucindami wane ndaikaanyaNupya ntalakulovya.
10 Nakwengulula, lelo asi wakwe siuva.
Nakwezya* umwi lungu lya kwengulwilako, kuli kuti umu ucuzi.
11 Pa mulandu ni zina lyane, ndacita ivintu vii,U mulandu ci uno ningalekela izina lyane likowele?
Nsipeela ululumbi lwane uku muntu ali wensi.
12 Uvwa kuno we Yakobo na we Izlaeli wemuno nama.
Naya icili cimwi. Nene wa kutandikilako; nupya nene wa kusyalikizyako.
13 Ikasa lyane kwene ilyapanzile umufula wa nsi,Nupya ikasa lyane ilya kwi lunji lyakonzolwile mayulu.
Ndi cakuti navyama vikaimilila pamwi.
14 Kolonganini pamwi mwensi nu kukutika.
A weni pali ya leza uwatala wamanyisya pa vintu vii?
Yeova wamutemwa.*
Alacita Babiloni ukulingana na vino Leza akulonda,Nupya ikasa lyakwe lilalwisya Aina Kalideya.
15 Nene kwene navwanga, nupya nene kwene namwama.
Nene namuleta nupya vino alacita vilatunguluka.
16 Palamini kuli nene nu kukutika.
Kufuma sile pa kutandika nsilandila umu nkama.
Kufuma lino ivyasoowilwe vyatandike ukucitika akuno naya.”
Lyene Umwene Uwa Papelapela Yeova wantuma nu kumpeela umupasi wakwe.
17 Yeova Kapususya wako, Uwa Muzilo wakwe Izlaeli walanda wati:
“Ne Yeova, nene Leza wako,Aakakusambilizya ivyakuti vyakuzipila,Nu kukutungulula umu nzila ino ulinzile ukupitamo.
18 Ndi cakuti wika sile mano uku masunde yane
Mutende wako ulaya wa luziNu ulungami wako ulaya wa maimbi ya pali yemba.
19 Ana yako na amu lupwa lwakoYalavula wa mucanga.
Nupya izina lyao litalalowa.”
20 Fumini umu Babiloni!
Utukini Aina Kalideya!
Manyisyini ni nsansa! Manyisyini!
Lekini cimanyikwe ukufika nu ku mpela ya nsi.
Muti: “Yeova watapususya Yakobo umuomvi wakwe.
21 Yatuvwanga ulusala lino wayapisyanga umu lwanga.
Walesile ukuti manzi yafume umu ciliwe pakuti yamwe;Walepwile iciliwe nu kuleka manzi aingi yapongolokemo.”
22 Yeova walanda wati, “Antu aipe yataaya nu mutende.”
