Inatiri 3. Iretta
Inatiri 3. Iretta
“Atthu . . . anaahala uhuvahuva nlattu wo iretta cuulupale.”—LUKA 21:11, Ibiiblya Contemporary English Version.
● Nlopwana mmoca eehaniya Bonzali, aavara nteko usipiritaali imphwanyannya ilapo imoca yo África yaaniye ikhotto cinene, ahopanka yaakhitinryaawe wiira aatafiti atthu yaathipa maluku owooru iyo ilapweeyo, yaaphwanyile irertta ineehaniya Marburg. * Uyo aholepela ukaviheriya naakhulupale ookuveernu amphwanyannya isittatti yuulupela yo iyo ilapweeyo, masi khaakhuliye. Uvirawaaya myeeri micese, uyo ahaakhuliya, masi Bonzali ahokhwa. Uyo aakhwile kontha aahoophwanyihiya iretta yo Marburg naatthu yaamananihaawe uwoopola.
CITTHU CINKHUMELELA CINTHOONYERA ISIYANI? Iretta cinrikarikiha umumula toko pneumonia, iretta yoohariya, HIV/SIDA, ikothomo ni ikopo cinaapanka mphantte wo iretta cineeva cinene cinaasankiha apinaatamu. Uneeriya wiira mwaakha uvinre mwamphiyaaruni, nnya irettannya cihowiivakaca atthu imiliyau 10,7. Nimoolumacero makhwaawe, nhina wo uyo mwaakhooyo paasi nnyo irettannyo cammwiiva wookhalaka ntthu mmoca, nhina wo isekutu tthaaru paasi.
ISIYANI ATTHU ENCI INEERAAYA? Ukhala wiira nummeru naatthu ontuninyani khaninhiyerera winciva, phimaana atthu cinaaphwanya iretta ankhala enci. Ahoocara atthu owaaphwanya irettannyo.
NIIREKE IYO IKHANLE IKHWEELI? Atthu onthuninyani khweeliini aneera yuncereryaaka cinene. Masi ciicammo mahukwaala apinaatamu khuntepa waarikarikela woonenela iretta, utafiti wiira cihimwareele ni waavoniha atthu cinaaphwanya. Nlattu wo iyo, keera irettannyo khacaalamuliya waasankiha apinaatamu? Masi iyo phiitthu ineerannya.
NYUUVA NNOONELA CANI? Niireke mahukwaala atthu cineera caahuvihaka iretta cuulupale toko cinhimyaaya Ibiiblya ikhumelo yokhalayi?
Uttettemelaca wotthaya, itala ni iretta uneera uwiivakacaka atthu imiliyau cene. Atthu akhwaawe imiliyau cene anhuvihiya naakhunanaya—Nhina wo ayo atthwaayo encyaayo anhuvihiya naatthu yaalamuliya waakhikicera. Moone itthu inhimyaaya Ibiiblya wiira yanhala wiirannya.
[Niwehero no vathi]
^ par. 3 Marburg iretta inlikanaca ni ébola.
[Moolumo o wapaaginani ootepa woonannya 6]
“Ikhanle itthu yowoopiha ukhuuriya nikharamu awula niinama ikhwaawe, masi ciicammo ikhanle itthu yoohinamaana ukhuuriya mmirima-mmirimani niiretta ni uwoona atthu yaaphwanyile iyo iretteeyo.”—NAMASOMASOMA IREETTA CUULUPALE MICHAEL OSTERHOLM.
[Mwaneene ilatarato 6]
© William Daniels/Panos Pictures