MPANTTA 02

Ibiiblya inaanivaha nweherero woohala ukhalana ukumi womaana

TOCAR

Atthu otheene amphwanyannya watuninyani va anawaanana masakha. Nlattu wo ayo masakhaayo, ankhala yacukulacaka, nimasukhuli ni hataa woona uweeryaa. Nyuuva cihotoko uwiirannyeelani nnya citthunnya? Atthunaka nnokhala ncukulacaka nlattu wo iretta inooweryaani awula nlattu wookhwa ntthu oocivelani cinene. Ni nlattu wo iyo itthwiiyo, nnokhala muupuwelaka co: ‘Kiireke wanihukuni nnya citthunnya cinaahala umaala?’ Nyuuva unaahala wuucivelani cinene wanhaleenyu wiiwa mananna cinaakhulaaya Ibiiblya nna nikohonna.

1. Nwehereroni Ibiiblya unnivahaaya?

Ibiiblya khinttonka paasi nlattuni ntuninyani ucanryaaya masakha. Iyo ciicammo inaahimya ihapari comaana: Woohipica masakha otheene anaahala umala. Inatiri co mbiiblyani pooti “wuuvahani nweherero woohoolo.” (Nsome Jeremiya 29:11, 12.) Nnyo inatirinnyu cinaanikavihera waanana masakha arineehu ni uwehera ratta ayo masakhaayo, ciicammo cinaanikavihera ukhala ootteeliya nrima nenna vaa ni mpaka wahoolo.

2. Ibiiblya inhimya wiira ituninya inhala ukhala cani wahoolo?

Ibiiblya inhimya wiira wahoolo “khunhala ukhala-tho ukhwa, ucukulaca, ikuttho ni hataa yoowerya.” (Nsome Apokalipise 21:4.) Masakha ankhumeleliha mahuviho mahukwaala, toko—usikhini, unyonkanaciya, iretta ni ukhwa—khacinrwaa ukhala-tho. Ibiiblya inaakhuluveliha wiira atthu ankookhala upeephoni watuninyaniva yatteeliyaka mpaka.

3. Kontha isiyani nyuuva nhaana nkhuluvelaka wiira citthu cinoolumaaya Ibiiblya cinaahala wiirannya khweeliini?

Atthu unawaacivela woona citthu comaana ciirannyaaka, unookhalaru commo ayo khankhitiri ucuwela wakhala wiira cinaahala wiirannya awula mena. Masi itthu inhimyaaya Ibiiblya inawiirannya. Itthu inhala wuukaviherani ukupali wiira inatiri cotheene cinoolumaaya Ibiiblya cinaahala wiirannya khweeliini ukhanle usoma “sana-saana Cowantikhiya Cowaarya.” (Miteko 17:11) Usoma unaahala wuukaviherani woona wakhala wiira inatiri cinoolumaaya cinaahala wiirannya awula mena.

MUNCERERE WIITTHUCA WINYU

Moone citthu Ibiiblya inoolumaaya wiira cinaahala wiirannya wahoolo. Ciicammo moone mananna nweherero unvahaaya Ibiiblya cinaakaviheraaya atthu ula ukatyuula.

4. Ibiiblya inaanikhuluveliha wiira hiiva ninaahala ukhala watuninyani va woohihuvahuva

Ikwaaturu iri vathiva inaattonkaca inatiri cimphwanyannya mbiiblyani. Inatirini nyuuva yuucivenleni cinene? Nthanlenleni iyo inatiriiyo?

Nsome ilivuru co mbiiblyani cimphwanyannya uhoolo wo khula inatiri ni mwamalihaka usoma moopele mwaha ala makohwaala:

Woonela winyu nnya iveerusunnya cinaavaha nweherero? Niireke pooti unkavihera mmuciinyu awula mpatthaniinyu?

Muupuwele nkhalaka ituninya:

UHINHALAAWE HATAA NTTHU . . .	ATTHU OTHEENE ANAAHALA . . .
umooniha itthu uweryaa, uhuva nlattu wowuuluvala, awula umphwanya ukhwa.—Isaiya 25:8.	uwoona ale yaafentaaya akhwile yunwelelihiyaka wiira akhale watuninyani va.—Joau 5:28, 29.
uwerenya ni umphwanya ipahuwa.—Isaiya 33:24; 35:5, 6.	ukhalana ukumi womaana ni ulipa makhuva.—Jó 33:25.
unyonkaciya—Isaiya 32:16, 17.	ukhalana iyoolya, inupa yomaana ni uvara nteko wowaatteeliha nrima—Isaalimu 72:16; Isaiya 65:21, 22.
uhuva nlattu wo ikhotto—Isaalimu 46:9.	ukhalana nnema neekhweeli.—Isaalimu 37:11.
ucukulaca nlattu woohintaphuwa nrima awula nlattu wowuupuwela citthu civinre coohinamaana.—Isaiya 65:17.	ukhala saana ni mpaka.—Isaalimu 37:29.

5. Inatiri co mbiiblyani pooti wuukaviherani urukunusa maweherweenyu ukumiinyu

Atthu enci anaacukulaca ni hataa anaarusiya nlattu wo masakha anoonaaya yakhumelelaka mu ntuninyanimu. Atthu akiina anawiikurumica venci-cinene wiira amalamalihe masakha ankhumelela. Moone manannani inatiri yo mbiiblyani ineera wiira citthu coohinamaana cinkhumelela cinaarwa umala, cinaakaviheraaya atthu ala mahukwaala. Moone IVIDIYU, ni mwamalihaka woona moopele mwaha ala makohwaala:

IVIDIYU: Miiva kaapheela ituninya yoohinyonkanaciya (4:07)

Nvidiyuni imalihileehu woona, inannani yoonyonkanaciya yaarusa cinene athiyana amoca aneehaniya Rafika?
Unyonkanaciya woonaaya khumanle, masi Ibiiblya yaakavihenre cani?

Nweherero unnivahaaya Ibiiblya pooti unikavihera ivilela ni ukhitiri waanana masakha anniphwanya. Nsome Miruku 17:22 ni Arooma 12:12, ni mwamalihaka usoma moopele mwaha ala makohwaala:

Maweherweenyu nweherero Ibiiblya unvahaaya pooti wuukaviherani muukumini winyu? Kontha isiyani nnokupaliinyu commo?

ATTHU AKIINA ANEERA: “Citthu cinoolumaaya Ibiiblya wiira cinaahala wiirannya wahoolo khacinakhala cokhweeli.”

Kontha isiyani unaareera wooneeha imwaneeneenyu wakhala wiira iyo ikhweeli awula mena?

UTHIKILELA

Ibiiblya inaanivaha nweherero ni ucuwela wiira iyo inaakhuluveliha ukumi womaana, unaanikavihera waanana masakha anniphwanya.

Wuupuwela

Kontha isiyani atthu ahaana yacuwelaka inatiri ca Nluku?
Isiyani Ibiiblya inhimyaaya yo uhoolo?
Manannani nweherero unvahaaya Ibiiblya pooti wuukaviherani muukumini winyu?

Kimalihile usoma ula mpanttoola nihuku:

Itthu yoohala upanka

Nsome iveerusu co mbiiblyani cihimiye nhina ula mpanttola wiira ncuweleehehe inatiri co mbiiblyani.

Itthu ikhwaawe:

Your other goal

MWAPHEELAKA UCUWELA CITTHU CIKIINA

Moone manannani nweherero cinonkaviheraaya ntthu aananaka masakha.

“Nweherero—Nnohala uphwanya vai?” (Despertai!, 22 yo Abril yo 2004, yeekunya)

Moone manannani nweherero woohoolo, cinonkaviheraaya ntthu rina iretta ihinvoniya.

“Niireke Ibiiblya pooti wuukaviherani hataa nkhalakoono niiretta ihinvoniya?” (Mwaha umphwanyannya nsayitini jw.org, yeekunya)

Moonaka ila ividiyu yoncipweela, mmananihe wuupuwela nnari nyuuva naamuciinyu upeephoni unkhuluvelihaaya Ibiiblya.

Koopuwelaka ipeephoni (3:37)

Nsome ihantisi yanlopwana mmoca aamananiha umalamaliha citthu coohinamaana coonaawe cipankiya, inttonkaca mananna cirukunusilyaawe makhalelwaawe ucuwela wawe nweherero unvahaaya Ibiiblya.

“Kihaana kihiyaka umananiha urukunusa makhalelo ontuninyani” (Ukhalenla, 1 yo Julho yo 2013, yeekunya)

MPHWANYE UTTEELIYA UHIMMALA!—MYAHA COOPACERA CINEETTHUCIHA ITTHU INHIMYAAYA IBIIBLYA