“Enn tigit le temps encore, ek mauvais dimoune nepli pou existé . . . Mais bann ki ena l’humilité pou herite la terre, ek vrai-mem zot pou trouve enn grand la joie dan l’abondance la paix.” ​—PSAUME 37:10, 11.

ESKI ou ti pou content trouve sa prophetie ki’nn cité la-haut-la realisé? Pena doute ki ou ti pou content. Nou ena bann bon raison pou croire ki bientot sa pou realisé.

Bann lartik avant ti koz lor zis certain prophetie la Bible ki montré dan enn fason bien clair ki nou pé vive dan “bann dernier jour.” (2 Timothée 3:1-5) Bondié ti inspire bann ecrivain la Bible pou annonce sa bann l’evenement-la pou ki nou kapav ena enn l’esperance. (Romains 15:4) Kan nou trouve realisation sa bann prophetie-la, sa montré nou ki bann probleme ki nou pé gagné asterla pou disparette bientot.

Ki pou arrivé apré bann dernier jour? Royaume Bondié pou dirige tou bann dimoune. (Matthieu 6:9) Anou guetté couma la Bible decrire bann condition ki pou ena lor la terre dan sa lepok-la:

● Nepli pou ena la famine. “Pou ena la grain cereale en abondance lor la terre, ek la-haut lor bann montagne, pou ena enn grand l’abondance.”​—Psaume 72:16.

● Nepli pou ena maladie. “Okenn habitant pa pou dire: ’Mo malade.’”​—Isaïe 33:24.

● La terre pou restoré. “Desert ek l’endroit sec pou content, ek la plaine kot nanyin pa poussé, pou dan la joie ek pou bourgeonné couma safran.”​—Isaïe 35:1.

Sa c’est zis certain prophetie la Bible bien encourageant ki bientot pou realisé. Kifer ou pa demann bann Témoins de Jéhovah pou montré ou kifer zot ena tellement confiance ki ena enn pli bon l’avenir ki pé attann ou?