“Dan bann dernier jour pou ena bann lepok critik ki difficile pou supporté.” ​—2 TIMOTHÉE 3:1.

ESKI ou’nn deja tann ou-soit mem trouve enn parmi sa bann l’evenement bien triste-la?

● Enn maladie mortel prend la vie plusieurs douzaine dimoune.

● Enn la famine touye plusieurs centaine dimoune.

● Enn tremblement de terre touye plusieurs millier dimoune ek beaucoup nepli ena lakaz.

Dan bann page ki suive, ou pou examine certain realité concernant bann l’evenement pareil couma inn mentionné la-haut. Ou pou trouvé aussi ki la Bible ti annoncé ki sa bann kitsoz-la ti pou arrivé pendant enn lepok ki appel “bann dernier jour.” a

Mais, l’objectif sa bann lartik-la c’est pa pou convaink ou ki nou pé vive dan enn le monde rempli ar probleme. Surement ou-mem ou pé trouve sa bann probleme-la. Au contraire, zot l’objectif c’est pou donne ou enn l’espoir. Zot pou examine realisation six prophetie ki montré ki “bann dernier jour” pré pou fini. Sa serie lartik-la examine certain l’objection ki souvent nou tendé par rapport ar sa six prophetie-la ek donne nou bann bon raison pou croire ki ena enn pli bon kitsoz ki pé attann nou devant.

[Note]