“Tou dimounn strese dan enn sertenn fason, me mwa mo tro strese. Se pa zis akoz enn gro problem, me se akoz boukou sitiasion, bann difikilte, ek tou bann lane ki mo pase pou okip mo mari ki malad lor plan fizik ek mantal.”​—Jill. a

“Mo fam ti kit mwa, ek mo ti bizin elve de zanfan mo tousel. Li ti bien difisil pou elve bann zanfan tousel. Anplis, mo ti perdi mo travay, ek mo pa ti ena ase kas pou fer repar mo loto. Mo pa ti kone ki pou fer. Stres ti pe minn mo lavi. Dan fon mo leker mo ti kone ki li pa bon ki mo swisid mwa, alor mo ti sipliy Bondie pou les mwa mor.”​—Barry.