LESON 38
Ena Rekonesans pou Lavi ki enn Zoli Kado
Dan lavi, ena boukou zoli kitsoz ki nou kapav profite. Ek mem si nou fer fas ar bann problem, an zeneral nou kapav apresie sertin kitsoz dan lavi. Kouma nou kapav montre ki nou ena rekonesans pou lavi? Ek ki rezon pli inportan nou ena pou fer sa?
1. Kifer nou bizin apresie lavi?
Nou bizin apresie lavi parski se enn kado ki nou Papa, Zeova, inn donn nou. Limem “lasours lavi,” setadir Li’nn kree tou kitsoz. (Psom 36:9) “Limem ki donn lavi, ki fer respire, ki donn tou kiksoz.” (Zistwar Bann Apot 17:25, 28) Zeova donn nou seki nou bizin pou ki nou res vivan. Ek osi, Li fer an-sort ki nou kapav profit lavi.—Lir Zistwar Bann Apot 14:17.
2. Kouma nou kapav montre Zeova ki nou apresie lavi?
Depi ki ou’nn kree dan vant ou mama, Zeova ti gagn ou traka. Zeova inn fer ekrir dan Labib, enn lapriyer ki enn so bann serviter ti fer: “To lizie ti trouv mo lekor ki pa ti ankor ena form.” (Psom 139:16) Pou Zeova, ou lavi ena boukou valer. (Lir Matie 10:29-31.) Sa pou fer so leker fermal, si enn dimounn touy enn lot dimounn par expre, ouswa mem si li tir so prop lavi. a (Exod 20:13) Sa pou fer so leker fermal osi, si nou met nou lavi an danze pou nanye ouswa si nou pa pran bann prekosion pou protez lavi lezot. Kan nou pran swin nou lavi ek respekte lavi lezot, nou montre ki lavi li enn zoli kado ki nou apresie.
ANOU GET INPE PLIS
Anou get sertin fason kouma ou kapav montre ki ou apresie lavi ki enn kado.
3. Pran swin ou lasante
Nou servi nou lavi pou servi Zeova, parski nou’nn promet Zeova ki nou pou touletan fer seki Li anvi. Se koumadir nou pe donn nou lekor kouma enn sakrifis pou Zeova. Lir Romin 12:1, 2, ek apre sa, get sa bann kestion-la ansam:
-
Ki bizin pous ou pou pran swin ou lasante?
-
Kouma ou kapav fer sa?
4. Pran bann prekosion pou ki enn kikenn pa blese ouswa mor
Labib ankouraz nou pou evit fer bann kitsoz ki danzere. Zwe VIDEO-la pou aprann seki ou kapav fer pou ki ou an sekirite.
Lir Proverb 22:3, ek apre sa, gete kouma ou ek lezot kapav an sekirite . . .
-
dan ou lakaz.
-
kot ou travay.
-
kan ou pe fer spor.
-
kan ou pe roul enn transpor ouswa si ou enn pasaze.
5. Respekte lavi enn ti-baba dan vant so mama
David ti ekrir enn poem pou montre ki Zeova interese ar tou seki arive pandan ki enn zanfan pe grandi dan vant so mama. Lir Psom 139:13-17, ek apre sa, get sa kestion-la ansam:
-
Pou Zeova, eski lavi enn dimounn koumanse kan li’nn ne ouswa kan li’nn koumans forme dan vant so mama?
Lalwa ki Zeova ti donn bann Izraelit, ti protez bann mama ek osi zot zanfan ki pa ti ankor ne. Lir Exod 21:22, 23, ek apre sa, get sa bann kestion-la ansam:
-
Kouma Zeova ti konsider enn dimounn ki ti touy enn zanfan dan vant so mama par aksidan?
-
Ki Zeova ti pou resanti si enn dimounn ti fer sa par expre? b
-
Ki ou santiman konsernan seki Bondie panse lor sa size-la?
Mem si enn madam rekonet valer ki lavi ena, li kapav panse ki lavortman se sel opsion ki li ena. Lir Izai 41:10, ek apre sa, get sa kestion-la ansam:
-
Si dimounn pe met presion lor enn madam pou ki li fer lavortman, avek kisannla li kapav gagn led? Kifer?
SERTIN DIMOUNN DIR: “Parfwa enn sitiasion kapav pous enn madam pou fer lavortman.”
-
Ki kitsoz konvink ou ki pou Zeova, lavi mama-la ek so zanfan ki pankor ne, toulede ena boukou valer?
SEKI NOU’NN APRANN
Labib ansegn nou ki lavi se enn zoli kado ki Zeova inn donn nou. Nou bizin kontan, respekte, ek protez nou lavi ek lavi lezot osi.
Eski Ou Rapel?
-
Kifer lavi enn dimounn ena boukou valer pou Zeova?
-
Ki Zeova resanti kan enn dimounn touy enn lot dimounn par expre, ouswa tir so prop lavi?
-
Ki ou apresie ar lavi, sa zoli kado-la?
DEKOUVER
Kouma nou kapav remersie Zeova pou lavi ki Li’nn donn nou?
Eski Bondie pou pardonn enn madam ki’nn deza fer enn lavortman? Get repons pou sa kestion-la.
Kouma fason ki Bondie konsider lavi bizin ena enn linflians lor nou bann divertisman?
« “Sports de l’extrême” : doit-on faire abstraction des risques ? » (Leve!, 8 Oktob 2000, an Franse)
Ki pou arive si enn dimounn pe pans pou swisid li? Gete kouma Labib kapav ed sa dimounn-la.
“Mo Nepli Anvi Viv—Eski Labib Kapav Ed Mwa Si Mo Pe Pans pou Swisid Mwa?” (Lartik lor jw.org)
a Zeova vremem gagn traka bann dimounn ki’nn perdi kouraz net. (Psom 34:18) Ena bann dimounn ki ena bann santiman negatif, ek sa telman fer zot soufer ki zot anvi swisid zot. Zeova konpran kan zot ena sa bann santiman negatif la ek Li anvi ed zot. Pou trouve kouma Li kapav ed sa bann dimounn-la pou gagn lafors pou reziste kont sa bann santiman-la, al dan parti Dekouver dan sa leson-la pou lir lartik “Mo Nepli Anvi Viv—Eski Labib Kapav Ed Mwa Si Mo Pe Pans pou Swisid Mwa?”.
b Fode pa ki enn dimounn ki’nn deza fer enn lavortman santi li koupab. Zeova kapav pardonn li. Pou gagn plis linformasion, get lartik “Ki Labib Dir lor Lavortman?” ki trouv dan parti Dekouver sa leson-la.
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
