LESON 36
Nou Bizin Onet dan Tou Kitsoz
Tou dimounn anvi ena bann kamarad ki onet. Zeova atann ki so bann kamarad osi onet. Me li pa fasil pou nou onet dan enn lemond kot boukou dimounn malonet. Ki bann bienfe nou gagne kan nou onet dan tou kitsoz?
1. Ki rezon pli inportan nou ena pou res onet?
Kan nou onet avek lezot, nou montre Zeova ki nou kontan Li ek respekte Li. Rapel ki Zeova konn tou seki nou panse ek tou seki nou fer. (Ebre 4:13) Li trouve kan nou swazir pou res onet, ek Li kontan kan nou fer sa. Labib dir: “Zeova deteste enn dimounn sournwa, me Li vinn enn kamarad bien pros avek bann dimounn ki drwat.”—Proverb 3:32.
2. Kouma nou kapav onet dan nou lavi toulezour?
Zeova anvi ki “sakenn koz laverite ar so kamarad.” (Zakari 8:16, 17) Ki savedir? Savedir ki kan nou koz avek bann manb nou fami, nou bann koleg travay, nou bann frer ek ser dan lasanble, ouswa bann ofisie gouvernman, fode pa ki nou koz manti ouswa ki nou donn zot bann fos linformasion. Ek osi, bann dimounn ki onet pa kokin lezot ouswa manday zot. (Lir Proverb 24:28 ek Efezien 4:28.) Ek anplis, zot pey tou bann tax ki bizin. (Romin 13:5-7) Savedir ki nou “bizin onet” dan tou seki nou fer ek dan tou seki nou dir.—Tit 2:10.
3. Ki bann bienfe nou gagne kan nou onet?
Kan bann dimounn konn nou kouma enn dimounn ki onet, zot pou fer nou konfians. Lerla, sa pou fer zot tou dan lasanble santi zot an sekirite, parey kouma dan enn fami kot ena lamour. Ek sa pou fer nou ena enn konsians kler. Kan nou onet, sa kapav “onor lansegnman Bondie nou Sover,” ek fer bann dimounn anvi konn Zeova.—Tit 2:10.
ANOU GET INPE PLIS
Ou pou gete ki lefe sa ena lor Zeova ek lor oumem kan ou onet. Ou pou aprann osi kouma ou kapav res onet dan diferan sitiasion.
4. Zeova kontan kan nou onet
Lir Psom 44:21 ek Malaki 3:16, ek apre sa, get sa bann kestion-la ansam:
-
Kifer ou panse li pou bet si nou krwar ki nou kapav kasiet laverite?
-
Ki ou panse Zeova resanti kan nou swazir pou dir laverite, mem kan li pa fasil pou fer sa?
Kan bann zanfan dir laverite, zot fer zot paran kontan. Kan nou dir laverite, nou fer Zeova kontan
5. Touletan azir dan enn fason onet
Boukou dimounn panse ki li pa touletan posib ki nou onet. Me anou gete kifer nou bizin res onet touletan. Zwe VIDEO-la.
Lir Tit 2:10, ek apre sa, gete kouma nou kapav onet . . .
-
avek nou fami.
-
dan travay ouswa dan lekol.
-
dan lezot sitiasion.
6. Bann bienfe ki nou gagne kan nou onet
Kitfwa li paret ki kan nou onet, nou gagn bann problem. Me apre, ou pou trouve ki se pli bon kitsoz ki ou kapav fer. Lir Psom 34:12-16, ek apre sa, get sa kestion-la ansam:
-
Kan ou onet, kouma sa permet ou pou ena enn pli bon lavi?
-
Bann mari ek bann fam ki onet fortifie zot maryaz
-
Bann travayer ki onet gagn konfians zot patron
-
Bann sitwayen ki onet ena enn bon repitasion devan bann ofisie gouvernman
SERTIN DIMOUNN DIR: “Li pa grav si nou koz bann ti manti.”
-
Kifer ou panse ki Zeova deteste tou kalite manti?
SEKI NOU’NN APRANN
Zeova anvi ki so bann kamarad onet dan tou seki zot dir ek fer.
Eski Ou Rapel?
-
Sit sertin fason kouma nou kapav montre ki nou onet.
-
Kifer li pou bet pou krwar ki nou kapav kasiet laverite?
-
Kifer ou anvi res onet touletan?
DEKOUVER
Kouma bann paran kapav ansegn zot bann zanfan pou res onet?
Ki bann bienfe nou gagne kan nou tini nou bann promes?
Gete kifer nou bizin pey tax, mem si pe mal servi sa kas-la.
« Faut-il payer ses impôts ? » (Latour Degard, 1e Septam 2011, an Franse)
Gete ki ti pous enn zom ki ti malonet pou vinn enn kikenn ki onet.
“Mo ti aprann ki Zeova ena mizerikord ek Li pardone” (Latour Degard, 1e Me 2015)
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
