Privacy Settings

To provide you with the best possible experience, we use cookies and similar technologies. Some cookies are necessary to make our website work and cannot be refused. You can accept or decline the use of additional cookies, which we use only to improve your experience. None of this data will ever be sold or used for marketing. To learn more, read the Global Policy on Use of Cookies and Similar Technologies. You can customize your settings at any time by going to Privacy Settings.

Skip to content

Al lor tablo konteni

KOUMANS ENN KONVERSASION

LESON 2

Koumans enn Konversasion Amikal

Koumans enn Konversasion Amikal

Prinsip: “Enn bon parol ki tom dan ler ki bizin, ki kantite li bon!”—Prov. 15:23.

Seki Filip Ti Fer

1. Get VIDEO, ouswa lir Zistwar Bann Zapot 8:​30, 31. Apre sa, reponn sa bann kestion-la:

  1.    Kouma Filip ti koumans so konversasion?

  2.   Mem si Filip ti kone ki li ti pou ansegn sa zom-la enn nouvo kitsoz, kifer nou kapav dir ki li’nn koumans so konversasion dan enn bon fason?

Ki To Kapav Aprann ar Lexanp Filip?

2. Kan to koumans enn konversasion amikal, dimounn-la pou santi li plis alez ek li pou ekout twa pli fasilman.

Swiv Lexanp Filip

3. To bizin bien atantif. To kapav aprann boukou kitsoz lor enn dimounn kan to get so figir, bann zes ki li fer, ek fason ki li deboute. Eski sa dimounn-la anvi koz ar twa? Enn moman dan zot konversasion, to kapav atir latansion lor Labib kan to dir li, “Eski ou ti kone ki . . . ?” Si dimounn-la pa anvi koze, pa persiste.

4. Ena pasians. To pa oblize koz lor Labib deswit. Atann ki enn bon lokazion prezante. Ena fwa, to pou bizin atann prosin konversasion ki to gagne ar dimounn-la.

5. Adapte twa. Dimounn-la kapav koz lor enn size ki to pa atann. Alor, adapte twa ek koz lor size ki interes dimounn-la. Pa persiste pou koz lor size ki twa to anvi.

GET OSI