1. Nou loue twa, nou Bondie Jéhovah.

Pou twa Segner, nou elev nou lavwa.

Twa ki ekout tou nou siplikasion,

Nou tourn ver twa pou gagn to proteksion.

Nou fer erer devan twa toulezour;

Pou sa pardonn nou ek tou to lamour.

Disan to Garson inn liber nou tou.

Asterla nou’anvi ki to ansegn nou.

2. Ere tou bann ki to finn invite,

Pou gagn lalimier ek laverite.

To Parol gid nou ek fer nou konn twa.

Dan to tanp nou’anvi reste, Jéhovah.

Par to pwisans, to fer nou deboute,

Nou gagn lafors ek lafwa pou’andire.

Nou loue twa nou Bondie, nou Sover,

Ek pres to Rwayom partou lor later.

3. Fer ki later li ranpli ar lazwa;

Ki partou bann dimounn ador zis twa.

To Rwayom dirize avek bonte;

Maladi ek lamor, li pou tire.

Tou seki move, Christ pou anleve;

Dan lazwa, later antie pou kriye.

Ek rekonesans, nou sant laviktwar:

“Loue nou Lerwa ki merit laglwar!”