Parey kouma tou lezot renion, bann renion predikasion, zot enn dispozision ki Zeova inn pran pou ankouraz nou pou ena lamour ek pou fer dibien. (Eb 10:24, 25) Dan sa bann renion-la, bann frer bizin pran sink a set minit antou pou organiz bann group, pou donn sakenn so teritwar ek pou fer lapriyer. (Si ena enn lot renion avan, renion predikasion pou pli kourt ankor.) Sa frer ki pe fer renion-la bizin prepar enn size ki pou ed bann ki pou al prese sa zour-la. Par exanp dan samdi, boukou bann ki sorti, prese zis dan wikenn. Alor, dan renion-la, nou kapav koz lor bann size konversasion ki zot kapav servi. Lor ki lezot size ankor nou kapav koze?

• Enn model konversasion ki ena dan Kaye Renion​—Nou Lavi Kretien ek Nou Minister

• Kouma pou servi enn kitsoz ki pe pase dan nou pei pou koumans enn konversasion

• Kouma pou sirmont enn lobzeksion

• Kouma pou reponn enn ate, enn dimounn ki krwar dan levolision, enn kikenn ki koz enn lot lang, ouswa enn kikenn ki form parti enn relizion ki pa tro ena dan to teritwar

• Kouma pou servi sit jw.org, aplikasion JW Library^®, ouswa Labib

• Kouma pou servi bien enn zouti ki ena dan nou Kes Zouti pou Ansegne

• Kouma pou prese par telefonn, fer bann let, partisip dan temwaniaz piblik, fer bann vizit, ouswa bann letid

• Bann rapel lor sekirite, ler ki nou prese, bann bon manier ouswa enn latitid pozitif

• Get enn leson ouswa video ki ena dan brosir Amelior To Lektir ek To Lansegnman

• Kouma pou ankouraz ek ed sa kikenn ki pe pres avek twa la

• Enn verse ankourazan ouswa enn zoli lexperyans ki’nn gagne dan predikasion