Abraam ek Sara, zot bann bon lexanp parski zot ti kontan ek respekte sakenn zot kamarad. (Ze 12:11-13; 1Pi 3:6) Me kanmem sa, zot maryaz pa ti parfe, zot ti konn bann sitiasion difisil dan lavi. Ki bann koup marye kapav aprann ar lexanp Abraam ek Sara?

Ki bann kitsoz ki to kapav fer regilierman pou fortifie to maryaz? Ena enn bon kominikasion avek sakenn zot kamarad. Kan to konzwin dir bann kitsoz parski li ankoler, reponn li avek douser. (Ze 16:5, 6) Organiz zot pou ki zot pas letan ansam. Rasir to konzwin ki to kontan li, par to bann parol ek to bann aksion. Ek seki pli inportan, fer sir ki zot toulede konsantre lor zot relasion avek Zeova, kan zot etidie, priye, ek ador Li ansam. (Ek 4:12) Bann maryaz ki solid donn loner Zeova, se Limem ki’nn kree sa langazman ki sakre la.

GET VIDEO KOUMA POU FORTIFIE OU MARYAZ?, EK APRE SA, REPONN SA BANN KESTION-LA:

• Dan sa video-la, ki bann sign ti pe montre ki Shaan ek Kiara ti pe elwagn zot ar zot kamarad?

• Kifer li inportan ki nou koz avek nou konzwin dan enn fason fran ek onet?

• Kouma lexanp Abraam ek Sara ti ed Shaan ek Kiara?

• Ki bann kitsoz Shaan ek Kiara ti fer pou fortifie zot maryaz?

• Kifer fode pa ki enn mari ek enn fam atann ki zot maryaz parfe?