“Taunimanima na . . . edia ruma bese taudia ilalokau henidia karana basie diba.”​—2 TIMOTEO 3:1-3, God’s Word Bible.

● North Wales ai, Chris na ruma bese ai daḡedaḡe e davarimu taudia e durudiamu oreana ai e ḡaukaramu​​—una orea ena maduna na, ruma bese eiava ruma lalodiai daḡedaḡe e davarimu taudia e durudiamu. Chris na e gwa: “Na helalotaomu, nega ta ai, hahine ta ema, ia na e dadabaia dikadika dainai toana na asina itaia namonamo. Ha’hine haida edia hemami na e hadikaia momokanimu dainai, basie ḡaḡa isi dibamu eiava idia na floa mo e itaiamu.”

E VARA MOMOKANIMU ḠAUDIA ESE DAHAKA E HAHEDINARAIAMU? Africa ena tano ta ai, ha’hine toi toi amo hahine tamona na be gwaumu ia na maraḡina ai ta ese e hadikaia (sexually abused). Una tano ena hetahu karana ta lalonai, tatau sinahu amo idia 33 na e laloa adavadia bae dadabadia na maoro. To, daidia danu ruma bese eiava ruma lalodiai daḡedaḡe e davarimu? Heḡereḡere, Canada ai, tatau gwauta amo toi na e gwa, e noho heboumu tauna eiava hahinena o partner ese e dadabadiamu eiava se kara namo henidiamu.

TAUNIMANIMA MOMO BE DAHAKA E GWAUMU? Idaunega amo ema bona hari, ruma bese ai eiava ruma lalodiai daḡedaḡe karadia (domestic violence) na e varamu. Vaia guna, taunimanima ese unu kara na asie e herevalai momova, a ina harihari be e herevalai momomu.

EDIA HEREVA BE MAORO, A? Laḡani gwauta gunadiai, ruma bese lalodiai daḡedaḡe karadia ikoudia herevadia o daladia (awareness) na e halasi momo. To, unu ese ruma bese lalodiai daḡedaḡe karadia ena hekwakwanai e hamaraḡiamu, a? Lasi. Ruma bese lalodiai taunimanima na asie helalokau hehenimu.

OI BE DAHAKA O LALOAMU? O laloamu 2 Timoteo 3:​1-3 ena hereva e ḡuḡurumu, a? Ruma bese lalodiai lalokau baine mia na namo, to taunimanima momo be unu e kara tomamu, a?

Peroveta herevana ihaimana, hari e ḡuḡurumu ḡauna na, ta noholaiamu tanobadana e herevalaiamu. Baibul ese una e herevalaia dalana, mani aita laloa.

[Blurb on page 7]

“Ruma bese lalodiai e varamu daḡedaḡe karadia na kara dikana (crime) ta, bona nega momo pulisi ediai una na asie e ripotilaia haraḡamu. Reana hahine ta na e noho heboumu tauna eiava ena partner ese nega 35 be dadabaiamu murinai, ia ese pulisi be hadibadiamu.”​—A SPOKESWOMAN FOR WALES DOMESTIC ABUSE HELPLINE.