25:9, 21, 22

Kalaga helaḡana bona Israel taudia edia taruha bogaraḡidiai mai anina bada ḡauna binai, Taravatu Mauana. Una maua latanai e haginidia kerubi ruaosi bogaraḡidiai na ori ta e hedinaraiva​—una ori anina binai, Dirava na Israel taudia dekedekediai noho. Laḡani ta ta ai na Dika Igwautaona Dinana (o Day of Atonement), bona una negai hahelaḡa tauna badana na Helaḡa Herea daiutuna ai e vareaiva bena boromakau rarana bona nani (goat) rarana na maua e nevarilaiava, unu amo Israel taudia edia dika e gwautaova. (Le 16:14, 15) Una kara ese e laulaulaia ḡauna binai: Hahelaḡa Tauna badana, Iesu, na guba ela Iehova vairanai e gini. Bena ena mauri idavalaina boubouna na Dirava e henia.​—Heb 9:24-26.

Iesu ena boubou dainai baita abimu hahenamodia ta ta be edena Baibul siri maorona ese e herevalaia?

• 1 Io 1:8, 9

• Heb 9:13, 14

• Ro 6:23

• mauri hanaihanai helarona

• dika igwautaona

• laloda mamina ḡoevana

Ini hahenamo idauidau baita abi totona, dahaka baita kara be namo?