Lalokau bona hebogahisi baita hahedinarai anina na, haida edia lalohadai, hemami, e lalo badamu ḡaudia, bona edia dabu ḡaudia baita lalopararalai. Bema unu baita kara tomamu, idia na be dibamu ita na ta uramu idia baita durudia. Haroro ḡaukara ai lalokau bona hebogahisi baita hahedinaraimu neganai, ita ese Iehova ena lalokau bona kara namodia ta tohotohomu. Bona taunimanima na be uramu Iehova bae dibaia.​—Flp 2:4.

Lalokau bona hebogahisi na dia ta hahedibamu negadiai mo baita hahedinarai, to namona na eda kamonai, hereva, bona kara amo baita hahedinarai. Danu kamonai tauna ese e lalo badamu ḡaudia, e abi daemu ḡaudia, bona ena noho dalana baita lalodia. Heduru maorodia baita heni diba, to basita doria iena mauri baine haidaua. Momokani, ta haroro henidiamu taudia ese eda heduru be abia daemu neganai, eda haroro ḡaukarana na baita moalelaiamu.

INA VIDIO BA ITAIA, HAHEDIBA TAUDIA IHALAODIA ḠAUKARANA BA MOALELAIA​—EMU ḠAUKARA BE EDE BA HANAMOA TOMA?​—LALOKAU BONA HEMAMI BA HAHEDINARAIA, BENA INI HENANADAI BA HAERELAIDIA:

• Jade e leidi neganai, Neeta be edena dalai lalokau bona hebogahisi e hahedinarai?

• Jade e gwa iena skuli ḡaudia daidiai e lalohekwarahiva neganai, Neeta be edena dalai lalokau bona hebogahisi e hahedinarai?

• Jade e gwa ḡau iboudiai na nega tamonai basine kara dibamu neganai, Neeta be edena dalai ia e durua?