Tanobada heḡeḡemadai, taunimanima momo na moni dalanai e hekwarahimu bona hari una na hekwakwanai badana.

•   Ripoti ta ese e hahedinaraia, a moni gaukara e karamu taudia ese e abiamu monina na dia heḡereḡere bona ḡau momo basie hoi dibamu. Danu bema ḡau ta basine idaumu basita dibamu daidia be taḡa taudia bona daidia be ogoḡami taudia, badina momo edia mauri dalana na be aukamu.

 Gavamani ese moni ena hekwakwanai baine haorea diba eiava?

 Baibul ese gavamani ta e herevalaia, bona una gavamani ese moni ena hekwakwanai bona ogoḡami maurina be haorediamu. Baibul na e gwa, “guba Diravana ese basileia ta baine haginia,” bona una basileia eiava gavamani ese tanobadai e varamu ḡaudia iboudiai be biagudiamu. (Daniel 2:44) Una gavamani ese e dabumu taudia eiava ogoḡami taudia na basine lalodia boiomu. (Salamo 9:18) Dirava ena Basileia ese be lohiadiamu taudia iboudiai edia dabu ḡaudia be henimu, bona edia ḡaukara namodia be moalelaimu.​—Isaia 65:21, 22.