Thĩĩrĩ aja nthĩgũrũne ĩtĩretwa nĩ antũ, ĩndĩ ĩkaretwa nĩ Ũnene Bwa Mũrungu tayo thirikarĩ ĩrĩa ĩrĩ ĩgũrũ ĩtongeeretue nĩ Jesũ Kristũ. Tega ũrĩa Bibiria ĩgũtũritana bwegie wĩrĩgĩĩro bũbũ bũbwega.

1.   Mũrungu akathiria “ndwaa mwanka ituri bia nthiguru,” na kwou ojũrie wĩrane bwawe bwa kũreta ‘Ũkiri nthĩgũrũne kĩrĩ antũ barĩa bagwĩragua nĩwe.ʼ—Zaburi 46:9; Luka 2:14.

2.   Ũnene bwa Mũrungu bũkathana kuuma ĩgũrũ mwanka nthĩgũrũne yonthe. (Danieli 7:14) Bũrĩ thirikarĩ ya nthĩgũrũ yonthe, bũkeberia mpathũ kuuma mĩgongone yonthe, ĩrĩa nĩ kaumo ka ndwa.

3.   Jesũ arĩ mwathani wa Ũnene bwa Mũrungu eetagwa “Munene wa thiiri,” na agatũma kũgĩe ‘na thĩĩrĩ ĩrĩa ĩtĩkorogĩta mũthia kinya rĩ.’—Isaya 9:6, 7.

4.   Antũ barĩa bendete gũkara bakĩrũjaga, batĩĩtĩkĩĩrua gũkara ũnenene bwa Mũrungu, tontũ “muntu uria mui, muthangani, nkoro yawe nimuthwire.”—Zaburi 11:5; Njuno 2:22.

5.   Mũrungu naritanaga antũ baawe ũrĩa bomba gũkara na thĩĩrĩ. Bibiria ĩgĩtaaragĩĩria maumĩĩra ja watho bũu yugaga ũjũ: “nabo bagatura nciu ciao macembe, na matumo jao bajaethie iciu; guti mugongo jugacoka gwikania mpiu na mugongo jungi, na ningi antu batikoroiritana ndua buru.”—Isaya 2:3, 4.

 Kinya nandĩ, Akũũjĩ ba Jehova nthĩgũrũne yonthe nĩbakwiritana kuuma kĩrĩ Mũrungu ũrĩa bomba kwĩthĩrwa barĩ antũ ba thĩĩrĩ. (Mathayo 5:9) Kinya kethĩra tuumĩte gũntũ mwanya mwanya na tũrĩtũũra nthĩgũrũ nkũrũki ya 230, tũtĩendete kũrwa na antũ bangĩ.