¿Gi nee ri pa̱ra̱ na joo kʼo mama ne Biblia? ¿Gi nee ri pa̱ra̱ pje nee ra mama kʼo junsʼꞹ kja na versículo kja ne Biblia? Bʼꞹma gi nee ri pa̱ra̱ kjo mi ngeje na ntee, o ja ma kjaa dʼa jñiñi mi jingua. Bʼꞹma gi kjatsjɇ ne trʼønꞹ kʼꞹ mamaba: ¿Søø ra mbøxkoji ne Biblia ra jokꞹji yo in nrrumꞹji? Ma nge ga kjanu, søø ri jyodʼꞹge pje mama yo xiskuama kʼo bʼꞹbʼꞹ kja kʼe ngumꞹ nu ja ri jmurgojme.

Jyodʼꞹge pje mama yo xiskuama kʼꞹ bʼꞹbʼꞹ kja kʼe ngumꞹ nu ja ri jmurgojme. Bʼꞹma dya gi pɇsʼige texe yo skuama kʼꞹ ⱥtrʼⱥji yo testigo e Jehová kja jñatrjo, pero kja kʼe ngumꞹ nu ja ri jmurꞹjme bʼꞹbʼꞹ yo xiskuama kʼꞹ kja go pjongꞹji yo testigo e Jehová. Ri chøtrʼꞹge nʼaño Biblia, ri chøtrʼꞹ diccionario ñe na punkjꞹ skuama kʼo ri xørꞹ. Ma ri sⱥtrʼⱥ kja reunión ma dya bʼe pjꞹrꞹ, søø ri ma jyodʼꞹ pje mama yo skuama kʼo bʼꞹbʼꞹnu, ma jiyo, søø ri tsjaa ma ra nguarꞹ kʼe reunión. Ma bʼꞹbʼꞹ dʼa computadoranu, søø ri jyodʼꞹ kʼe programa Watchtower Library. Kja kʼe programa søø ri chøtrʼꞹge na punkjꞹ skuama ke opjꞹji yo testigo e Jehová, dya na sʼɇzhi ri jyodʼꞹge yo tema, pje nee ra mama na jñaa, o dʼa versículo kja ne Biblia.

Yo skuama pjøxkøjme ma ra unꞹjme dʼa discurso kja kʼe reunión nu ja jitsʼkøji ja rga minji ñe ja rga pɇpiji Mizhokjimi. Xo ri chøtrʼꞹ skuama nu ja jmurꞹji, søø ri jyodʼꞹnu ma ri unꞹge discurso. Kʼe kjuarma kʼꞹ otrʼꞹ axojñi kja kʼe reunión nu ja jitsʼkøji ja rga minji ñe ja rga pɇpiji Mizhokjimi, nge kʼꞹ nuu kʼe librero, ma dya bʼꞹbʼꞹnu yo skuama kʼo kja dʼadyo ra jñusʼꞹnu. Nu ne kjuarma o kʼe kjuarma kʼꞹ pjøxkʼꞹ ri pa̱rge pje mama ne Biblia, nge kʼꞹ ra jitsʼi ja rgi chøtrʼꞹ yo gi nee ri pa̱ra̱. Dya ri yaxꞹ kʼo skuamakʼo, ri pjørꞹ, dya ri chjɇdyi yo skuama kja in nzunge.

Ne Biblia mama ke ma ri nee ra pa̱ra̱ji na joo ja ga kjaa e Mizhokjimi, ni jyodʼꞹ ra jodʼꞹjikʼo nzakja ke ri nee ra tøtrʼꞹji kʼo me ni mubi (Proverbios 2:1-5). Ma gi nee ri tsjagekʼo, søø ri jyodʼꞹge kja yo skuama kʼꞹ bʼꞹbʼꞹ nu ja ri jmurꞹjme.

• ¿Pje nge kʼo bʼꞹbʼꞹ nu ja ri jmurgojme kʼꞹ søø ri xørꞹge?

• ¿Kjo nge kʼꞹ søø ra mbøxkʼꞹ ri jyodʼꞹ yo skuama kʼꞹ bʼꞹbʼꞹ nu ja ri jmurgojme?