Dya kja ra mezhe ke e Jehová ra kjuatꞹ texe yo nrrumꞹ ko nu Reino. ¡¿Pjenga dya ra xipjijme yo ntee yo me na joo ke ra kjogꞹ?! E Jesús mi nee ke yo ⱥtⱥji angeze ro jichijiyo a texe yo ntee kja ne xoñijomꞹ (Mateo 28:​19, 20). ¿Pje kjaji yo testigo e Jehová ngekʼua ra tsjaji kʼo o mama e Jesús?

1. ¿Ja ga zⱥdʼⱥdya yo mama Mateo 24:​14?

E Jesús o mama: “Nukʼua textjo kja ne xoñijomꞹ ri ka̱ra̱ kʼo ra zopjꞹ yo ntee ra xipjiji ra dyⱥtⱥji Mizhokjimi” (Mateo 24:​14). Yo testigo e Jehová me ri mⱥjⱥjme kʼꞹ ri jichijme yo ntee o Jñaa Mizhokjimi kja texe nu xoñijomꞹ, ixi kjogꞹ 1.000 nandyo jñaa ke ñaji yo ntee. Zø me na sʼɇzhi ra kjajme ne bʼɇpji ñe ra pa̱ra̱jme na joo ja rga kjajme, e Mizhokjimi Jehová pjøxkꞹjme ngekʼua ra kjajme na joo ne bʼɇpji.

2. ¿Pje ri kjajme ngekʼua ra jichijme yo ntee?

Ri jichijme yo ntee zø ja bʼꞹnji. Ri kjajme jango ma tsjaji kʼo cristiano mi jingua, ri pojme “kja o ngumꞹ” (Hechos 5:​42). Akjanu tsjɇma tsjɇɇ ri sⱥtrʼⱥjme kja na punkjꞹ ntee. Ñe ma dya ri tøtrʼꞹjme yo ntee kja o ngumꞹji, xo ri jichijme nu ja ri chjɇjme. Dya ri jɇzijme ri jodʼꞹjme ja rga jichijme yo ntee kjo ngeje e Jehová ñe kʼo ra tsjaa yo paa yo ba e̱je̱.

3. ¿Kjo nge kʼo ra jichi yo ntee o Jñaa e Diosi?

Texe yo cristiano yo na kjuana ni jyodʼꞹ ra jichiji yo ntee o Jñaa e Diosi. Yo ri testigojme e Jehová ri kjajme akjanu. Nzi rga søjme nza dʼazꞹjme ri jichijme yo ntee, nangeje ma dya ra kjajmeyo ri pa̱ra̱jme ke na punkjꞹ ntee ra nrru̱ji (xørꞹ 1 Timoteo 4:​16). Dya kjo kjontrʼkꞹjme kʼꞹ ri jichijme yo ntee o Jñaa e Diosi, nangeje ne Biblia mama: “dya ri kobraji” (Mateo 10:​7, 8). Zø na punkjꞹ ntee dya nee ra dyⱥrⱥji ma ri jichijme o Jñaa e Diosi, dya ri jɇzijme ra nⱥdʼⱥjme o Jñaa, nangeje akjanu ri matrʼꞹjme ñe ri kjapꞹjme ra mⱥjⱥ.

 TEXE YO JÑAA KE ME NI MUBI RA PA̱RA̱JI

• 1
• 2
• 3
• 4
• 5
• 6

4. Ri jodʼꞹjme ja rga sⱥtrʼⱥjme kja texe yo ntee

VIDEO: Ri jichijme yo ntee o Jñaa e Diosi zø ka̱ra̱ji me na je̱ʼe̱ (7:​33)

• Ma gi janrra yo ri kjajme ngekʼua ra jichijme yo ntee o Jñaa e Diosi, ¿pje nge kʼo mazi gustatsʼꞹ?

Xørꞹbi Mateo 22:​39 ñe Romanos 10:​13-​15, ñe ri chjꞹrꞹbi yo trʼønꞹ yo ba e̱je̱:

• ¿Ja ga ñetse ke ri sʼiyajme yo ntee ma ri jichijme o Jñaa e Diosi?

• ¿Ja ga nuu e Jehová yo jichiji o Jñaa angeze? (Jñandabi nu versículo 15).

 5. Ri kjajme o bʼɇpji e Diosi

Kʼꞹ ri jichijme yo ntee ñetse ke pjøxkꞹjme e Jehová. Ra nuji kʼo o kjogꞹ a Nueva Zelanda. Na nzhⱥʼⱥ, na testigo e Jehová ke ni chju̱u̱ Paul o ma jichi yo ntee o Jñaa e Diosi kja o ngumꞹji, o chøtrʼꞹ na nrrinxu. Kʼe pakʼꞹ ma xo̱rꞹ, kʼe nrrinxu bi tsjaa na oración a e Diosi ñe bi nⱥmbʼⱥ o trju̱u̱, Jehová, o dyøtꞹ ke ro bʼꞹbʼꞹ kjo ro mbøsʼꞹ ro mba̱ra̱ ja ga kjaa angeze. “Ma ya bi kjogꞹ jñii hora—mama e Paul—, a mi bʼꞹnkʼo kja o ngoxtrʼi”.

Xørꞹbi 1 Corintios 3:9 ñe ri chjꞹrꞹbi ne trʼønꞹ nu ba e̱je̱:

• Kʼo o kjogꞹ ne nrrinxu ¿ja ga ñetse ke e Jehová pjøxkꞹjme ma ri jichijme o Jñaa angeze?

Xørꞹbi Hechos 1:8 ñe ri chjꞹrꞹbi ne trʼønꞹ nu ba e̱je̱:

• ¿Pjenga ni jyodʼꞹ ke e Jehová ra mbøxkꞹji ra jichiji yo ntee o Jñaa angeze?

¿Mi pa̱rge?

Kja yo reunión ke ri pɇsʼijme ngoma ngoma jitsijme ja rga jichijme yo ntee o Jñaa e Diosi. Ma nutsʼkʼe a gui maa ma ri jmurꞹjme, ¿ja gi ñuu yo jitsijme?

6. Ri ⱥtⱥjme e Diosi ngekʼua ri jichijme yo ntee o Jñaa angeze

Kja nu siglo dʼaja kʼo ntee kʼo mi ꞹmbꞹji kʼo mi sꞹtꞹji e Cristo dya mi jɇziji ro jichiji o Jñaa e Diosi. Zø mi kjogꞹyo angezeji o ñanaji ngekʼua ro jyɇziji ro jichiji kʼo ntee (Filipenses 1:7). Yo padya yo testigo e Jehová xo ri kjajme akjanu. a

VIDEO: Ri ñanajme kja yo tribunal ra jyɇzgijme ra jichijme yo ntee o Jñaa e Diosi (2:​28)

Xørꞹbi Hechos 5:​27-​42 ñe ri chjꞹrꞹbi ne trʼønꞹ nu ba e̱je̱:

• ¿Pjenga dya ra jɇziji ra jichiji yo ntee o Jñaa e Diosi? (Jñanrrabi yo versículo 29, 38 ñe 39).

 KʼO YA RO NUJI

E Jesús o manda kʼo sꞹtꞹji angeze ra jichiji yo ntee o Jñaa e Diosi kja texe nu xoñijomꞹ. E Jehová pjøsʼꞹ yo matrʼꞹ angeze ngekʼua ra tsjajiyo.

Pje gi mbeñege

• ¿Pje ri kjajme ngekʼua ra jichijme yo ntee o Jñaa e Diosi kja texe nu xoñijomꞹ?

• ¿Ja ga ñetse ke ri sʼiyajme yo ntee ma ri jichijme o Jñaa e Diosi?

• ¿Gi kjijñige ke kʼꞹ ra jichiji yo ntee o Jñaa e Diosi søø ra tsjakꞹji ra mⱥji? ¿Pjenga?

XE SØØ RI PA̱RA̱

Jñanrra ja ga jichiji o Jñaa e Diosi yo testigo e Jehová kja yo nrrajñiñi.

Na jichiji o Jñaa e Diosi a París nu ja kjogꞹ na punkjꞹ ntee (5:11)

¿Pje na kjaji yo testigo e Jehová ngekʼua ra jichiji o Jñaa e Diosi yo ntee ke sⱥtrʼⱥji kja nandyo jñiñi?

Ri jichijme yo na kjuana yo mama ne Biblia a yo ntee ke sⱥtrʼⱥji kja nandyo jñiñi (5:59)

Dyⱥrⱥ kʼo mama na nrrinxu ja ga zøʼø ma jichi yo ntee o Jñaa e Diosi.

Kʼꞹ ra jichiji yo ntee o Jñaa e Diosi dya bʼꞹbʼꞹ pje ra chjenjui (6:29)

Ñuu ja ba nrro̱nji kja yo tribunal kʼꞹ ro jyɇzgijme ro jichijme o Jñaa e Diosi.

“Yo cristiano yo na kjuana poji kja yo tribunal” (El Reino de Dios ya está gobernando, capítulo 13)