Ja rgi xørꞹ ne skuama ngekʼua ra mbøxkʼꞹ na punkjꞹ
Otrʼꞹ ri xørꞹ, yo mamaba. Kjanu ri jñanrra ne VIDEO.
NU KʼO OTRʼꞸ RI TSJAA
Ante ke ra jitsʼiji, xørꞹtsjɇ yo otrʼꞹ jñaa kʼꞹ ba e̱je̱ kja ne sørꞹ (A) ñe texto ke na potrjꞹ ke ri xørꞹ (B) ngeje kʼo me ni mubi. Ri jñanrra ke bʼꞹbʼꞹ texto kʼꞹ mama “Xørꞹ”.
NU YEJE KE RI TSJAA
Nu otrʼꞹ párrafo nu ja mama “Texe yo jñaa ke me ni mubi ra pa̱ra̱ji” mama kʼo xi ra nuji (C). Yo jñaa yo ju̱sʼꞹ número mama pje nge kʼo jñaa kʼo me ni mubi (D). Xørꞹ yo texto ko kʼꞹ jitsʼi, chjꞹrꞹ yo trʼønꞹ ñe jñanrra yo video.
VIDEO Kja yo xørꞹ ba e̱je̱ yo video ke ra mbøxkʼꞹ ri pa̱ra̱ na joo yo na pjechi. Janzi video mama yo go kjogꞹ yo ntee yo ba e̱je̱nu. Kʼo dyaja dya go kjogꞹ yo ntee, pe ix na kjuana kjogꞹ akjanu kja in zakꞹji.
Jñanrra na joo yo foto ñe kʼo mama (E), ñe tsjijñige ja rgi chjꞹrꞹ nu ja mama “Bʼꞹbʼꞹ kʼo manji” (F).
NU JÑII KE RI TSJAA
Texe yo xørꞹ kjuarꞹ ko yo jñaa ke mama “Kʼo ya ro nuji” ñe “Pje gi mbeñege” (G). Ma ri kjuarꞹ na xørꞹ ri jñu̱sʼꞹ jingua bi kjuarꞹ. Kja nu recuadro nu ja mama “Xo ri tsjage yo mamaba” ra jitsʼi pje xi ri tsjaa ngekʼua mazi ri pa̱ra̱ (H). Nu ja mama “Xe søø ri pa̱ra̱” ri chøtrʼꞹ skuama ñe video ke ri søø ri ñuu (I).
Yo ra nuji
|
|
Nu sección jñii 
|
Nu sección nziyo 
|
Ja rgi chøtrʼꞹ na texto kja ne Biblia
Ne Biblia pɇsʼi 66 libro. Ba e̱je̱ yo xiji Escrituras Hebreoarameas ñe yo Escrituras Griegas Cristianas. Janzi ntee xiji Antiguo Testamento ñe Nuevo Testamento.
Ma ri chøtrʼꞹ na texto, otrʼꞹ ba e̱je̱ nu libro (A), nu capítulo (B) ñe nu versículo o yo versículo (C).
Na ejemplo, Juan 17:3 nee ra mama “nu libro Juan, capítulo 17, versículo 3”.
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
