Nu zana mayo 23, de 2023, nu me ro manda kja salud pública de Estados Unidos bo mama yo nrrumꞹ ke na kjogꞹ yo trʼii kja yo redes sociales.

•   “Zø na kjuana ke yo redes sociales søø ra mbøsꞹ yo tsʼitrʼi ñe yo trʼii, xo søø ra mbɇsʼi na punkjꞹ nrrumꞹ kja nu salud mental y nu bienestar” (Social Media and Youth Mental Health: The U.S. Surgeon General’s Advisory [Las redes sociales y la salud mental de los jóvenes: Informe del director general de Salud Pública de Estados Unidos], 2023).

 Kja nu informe ñetse ke bʼꞹbʼꞹ na punkjꞹ nrrumꞹ ke ni jyodʼꞹ ra kjapi nguenrra:

•   Yo trʼii ke ɇdyi 12 a 15 kjɇɇ “ke kjogꞹji mas de tres hora kja yo redes sociales søø ra pɇsʼi na punkjꞹ nrrumꞹ kja nu salud mental, nzakja yo síntoma de depresión i ansiedad”.

•   Yo trʼii ke ɇdyi 14 kjɇɇ, “bo ñetse ke kʼo me mezhe kja yo redes sociales kjapꞹ dya søø ra i̱ji̱, ciberacoso, dʼa imagen distorsionada kja in cuerpo, baja autoestima i na punkjꞹ depresión, i mazi ko yo xuntrʼi”.

 ¿Pje søø ra tsjaa yo tata ñe yo nana ngekʼua ra mbøsʼꞹji yo chʼiji ko yo nrrumꞹ? Nu Jñakjimi unꞹ na punkjꞹ consejo.

 Tsjapꞹ nguenda. Kjiñi texe yo nrrumꞹ ke ra pesʹi in chʼii ko yo redes sociales i nakʼua ri ñuu kjo ri jyɇspi.

•   Kʹo mama nu Biblia: “Jichige na joo in chʼige ngekʼua ra nzhodʼꞹ kja nu ñʼiji kʼꞹ na joo” (Proverbios 22:6).

•   Ma xi gi nee ri pa̱ra̱ xo̱rꞹ nu artículo “¿Deberían mis hijos usar redes sociales?”.

 Ma a bi jiezi ke in chʼii ra ngichʼi kja yo redes sociales, dya ri jiezi ri jñanrra yo nrrumꞹ i tsjapꞹ nguenda kʼo na kjaa kja internet. ¿Jargi tsjapꞹ?

 Pjørꞹ in chʼii ngekʼua dya ra kjogꞹ kʼo na sʼoo. Pjøsʼꞹ jarga unꞹ nguenda kʼo søø ra sʼodʼꞹ in pjeñe i dya ra jñanrrakʼo.

•   Kʹo mama nu Biblia: “Nutsʼkʼeji, in bʼɇzoji, dya ri tsja̱ja̱geji o ndixu. Nzitjotsʼꞹgeji in ndixuji, dya ri tsja̱ja̱geji o bʼɇzo. Dya ri ñepegeji kʼꞹ pɇsʼi yo nin minteji [. . .]. Dya ri mamaji kʼo na sʼoo jñaa ngekʼua dya ri bʼɇzhi in tsejeji. Dya ri ña, ñageji jñaa kʼo dya pje ni mubi” (Efesios 5:3, 4, Nu O̱ Jña Mizhocjimi nu mama ja ga cja e Jesucristo, ro junsʼꞹ kʼua jaga opjꞹjidya.)

•   Ra tøtrʼꞹji consejo kja nu artículo “Enséñele a su hijo adolescente a usar con seguridad las redes sociales”.

 Xipji kʹo søø ra tsjatrjo. Nzakja, ri xipji pje nge kʼo xo søø ra tsjaa, ra nuu, i janzitrjo ndajme.

•   Kʹo mama nu Biblia: “Ri potpꞹ na joo nguenda kʼua ja rgi nzhodʼꞹ, ni jyodʼꞹ kꞹ ri nzhodʼꞹ nzakja yo me pa̱ra̱ [...], ri pɇpjiji na zezhi: dya pje ri bʼɇzhiji yo ndajme” (Efesios 5:15, 16, Yo dʼayʼo jñaʼa mižokjimi kʼwaja ga tʼopjü kja jñatjo, ro junsʼꞹ kʼua jaga opjꞹjidya.)

•   Ri jñanrrabi ko i chʼii nu video “La pizarra animada” Si usas las redes, no te enredes ngekʼua ra mba̱ra̱ pje nge kʼo xo søø ra tsjaa, ra nuu, i janzitrjo ndajme.